ربیع الاول کا چاند 24 اگست کی شام نظر آنے کے قوی امکانات

یکم ربیع الاول 25 اگست 2025 کو ہونے کا امکان‘ 12 ربیع الاول 5 ستمبر بروز جمعہ کو ہو گی

جمعرات 21 اگست 2025 15:45

لاہور(اُردو پوائنٹ اخبارتازہ ترین - این این آئی۔ 21 اگست2025ء) سپارکو نے ربیع الاول 1447 ہجری کے چاند کی متوقع رویت کے بارے میں پیشگوئی کر دی۔ترجمان سپارکو نے کہا ہے کہ ربیع الاول 1447 ہجری کا چاند 23 اگست 2025 کو پاکستان کے معیاری وقت کے مطابق صبح 11:06 بجے پیدا ہونے کی توقع ہے۔

(جاری ہے)

24 اگست 2025 کو غروب آفتاب کے وقت نئے چاند کی عمر تقریباً 32 گھنٹے اور 13 منٹ ہوگی، ملک کے ساحلی علاقوں میں غروبِ آفتاب اور غروبِ قمر کے درمیان وقت کا دورانیہ تقریباً 45 منٹ ہو گا۔

ترجمان نے کہا ہے کہ فلکیاتی اعداد و شمار کے مطابق 24 اگست 2025 کی شام کو چاند نظر آنے کے قوی امکانات ہیں، یکم ربیع الاول 25 اگست 2025 کو ہونے کا امکان ہے۔سپارکو کے ترجمان نے مزید کہا ہے کہ ماہ ربیع الاول کا آغاز اگر 25 اگست سے ہوتا ہے تو 12 ربیع الاول 5 ستمبر بروز جمعہ کو ہو گی، چاند کی رویت سے متعلق حتمی اعلان رویت ہلال کمیٹی کرے گی۔