مقبوضہ جموںو کشمیر، کانسٹیبل پر وحشیانہ تشدد،2افسروںسمیت چھ پولیس اہلکار گرفتار

عام کشمیریوںکا کوئی پرساں حال نہیں جنہیں بھارتی فورسز کی طرف سے بڑے پیمانے پر مظالم کا سامنا ہے

جمعرات 21 اگست 2025 17:11

سرینگر(اُردو پوائنٹ اخبارتازہ ترین - این این آئی۔ 21 اگست2025ء)بھارتی سپریم کورٹ کے حکم پر سینٹرل بیورو آف انویسٹی گیشن (سی بی آئی) نے مقبوضہ جموں و کشمیر میں ایک پولیس کانسٹیبل پر وحشیانہ حراستی تشدد کے سلسلے میں دو افسران سمیت چھ پولیس اہلکاروں کو گرفتار کیا ہے۔کشمیر میڈیا سروس کے مطابق گرفتار ہونے والے افسروں میںا یک ڈپٹی سپرنٹنڈنٹ پولیس اور ایک انسپکٹر شامل ہیں۔

اس معاملے میں دو شہریوں کو بھی حراست میں لیا گیا ہے۔

(جاری ہے)

سپریم کورٹ نے گزشہ ماہ جولائی کو سی بی آئی کو کانسٹیبل کے وحشیانہ اور غیر انسانی حراستی تشدد پر ایف آئی آر درج کرنے کی ہدایت دی تھی اور انتظامیہ کو متاثرہ کانسٹیبل کو 50لاکھ روپے معاوضہ ادا کرنے کا حکم دیاتھا۔ گوکہ بھارتی سپریم نے ایک پولیس کانسٹیبل کی دادرسی کی لیکن عام کشمیریوںکا کوئی پرساں حال نہیں جنہیں بھارتی فورسز کی طرف سے بڑے پیمانے پر مظالم کا سامنا ہے ۔ بھارتی ریاستی دہشت گردی کا شکار کشمیری انصاف کے حصول کیلئے در در کی ٹھوکریں کھانے پر مجبور ہیں۔