اسرائیلی وزیراعظم آسٹریلیا کی جانب سے فلسطین کو تسلیم کرنے کے بیان پر تلملا اٹھے

آسٹریلوی وزیر اعظم کمزور سیاستدان ہیں، فلسطین کو تسلیم کرنے کا فیصلہ اسرائیل سے غداری ہے،ردعمل

جمعرات 21 اگست 2025 17:20

تل ابیب(اُردو پوائنٹ اخبارتازہ ترین - این این آئی۔ 21 اگست2025ء)اسرائیلی وزیراعظم آسٹریلیا کی جانب سے فلسطین کو تسلیم کرنے کے بیان پر تلملا اٹھے۔اسرائیلی وزیراعظم نیتن یاہو نے کہا آسٹریلوی وزیر اعظم کمزور سیاستدان ہیں، فلسطین کو تسلیم کرنے کا فیصلہ اسرائیل سے غداری ہے۔

(جاری ہے)

نیتن یاہو کے بیان کے بعد آسٹریلوی وزیر داخلہ کا شدید ردعمل سامنے آگیا انہوں نے نیتن یاہو کو آئینہ دکھا دیا اور کہا کہ طاقت کا پیمانہ بچوں کو بھوکا رکھنا یا لوگوں کو مارنا نہیں ہوتا۔آسٹریلیا نے اسرائیلی انتہا پسند رہنما سیمخا روتھ مین کا ویزا منسوخ کر دیا، اسرائیل نے بھی آسٹریلوی سفیروں کے ویزے واپس لے لئے۔