حماس کی جنگ بندی کی حمایت کے باوجود اسرائیلی بربریت تھم نہ سکی، مزید 81 فلسطینی شہید

شہدا میں30 امداد کے منتظر فلسطینی بھی شامل ، غزہ میں شہدا کی مجموعی تعداد 62 ہزار 125 ہو گئی

جمعرات 21 اگست 2025 17:20

غزہ(اُردو پوائنٹ اخبارتازہ ترین - این این آئی۔ 21 اگست2025ء)اسرائیل کی حماس کی جنگ بندی کی حمایت کے باوجود بربریت تھم نہ سکی۔صیہونی فورسز نے تازہ حملوں میں مزید 81 فلسطینی شہید اور متعدد زخمی کر دیئے، شہدا میں30 امداد کے منتظر فلسطینی بھی شامل ہیں، غزہ میں شہدا کی مجموعی تعداد 62 ہزار 125 ہو گئی۔

(جاری ہے)

ادھر عالمی برادری کی جنگ بندی کی اپیلیں جاری رہیں، قطر، مصر اور اقوام متحدہ کی ثالثی سے جنگ بندی کی امید ہے مگر ابھی اسرائیل کے حتمی جواب کا انتظار ہے۔

ادھر اسرائیل میں نیتن یاہو حکومت کے خلاف مظاہروں میں شدت آگئی، یرغمالیوں کے اہلخانہ سمیت مظاہرین نے غزہ بارڈر کی جانب مارچ کیا، اسرائیلی حکومت کے خلاف شدید نعرے بازی کی۔مظاہرین نے اسرائیلی فوج کے غزہ پر قبضے کے لئے آپریشن کی شدید مخالفت کر دی۔