پاکستان کی آئس ہاکی میں تاریخی فتح، لیٹم کپ ڈویژن تھری چیمپئن شپ جیت لی

پاکستانی ٹیم نے پورے ایونٹ میں شاندار کارکردگی کا مظاہرہ کیا اور ناقابل شکست رہی

ذیشان مہتاب جمعہ 22 اگست 2025 12:04

پاکستان کی آئس ہاکی میں تاریخی فتح، لیٹم کپ ڈویژن تھری چیمپئن شپ جیت ..

نیویارک (اردو پوائنٹ تازہ ترین اخبار ۔ 22 اگست 2025ء ) پاکستان نے تاریخ میں پہلی بار آئس ہاکی کے میدان میں شاندار کامیابی حاصل کر لی ہے۔

امریکا میں ہونے والی “لیٹم کپ” LATAM ڈویژن تھری آئس ہاکی چیمپئن شپ میں پاکستانی ٹیم نے فائنل میں پیرو کو 6-1 سے شکست دے کرٹائٹل اپنے نام کرلیا۔

ٹورنامنٹ میں پاکستان کی ٹیم نے شاندارکارکردگی کا مظاہرہ کرتے ہوئے اپنے تمام میچزمیں حریفوں کو آؤٹ کلاس کیا جبکہ فائنل میں بھی دفاع اورحملے میں بہترین ٹیم ورک نے فتح کو یقینی بنایا۔

(جاری ہے)

اسی چیمپئن شپ میں پاکستانی خواتین کی ٹیم نے بھی نمایاں کارکردگی دکھائی اورڈویژن ٹومقابلوں میں کانسی کا تمغہ حاصل کرنے میں کامیاب ہوگئیں۔

ٹورنامنٹ میں 17 ممالک اورخطوں کی 62 سے زائد ٹیموں نے شرکت کی جن میں ارجنٹینا، میکسیکو، پیرو، برازیل، لبنان، اسرائیل اور کوسٹاریکا شامل ہیں۔

پاکستان میں آئس ہاکی جیسے غیرروایتی کھیل میں یہ کامیابی ایک نئے دورکی شروعات سمجھی جا رہی ہے جس سے ملک میں سرد خطوں کے کھیلوں کو فروغ ملنے کی امید ہے۔