پاکستان ، امریکا کے تعلقات میں پیش رفت ،امریکی وزیر خارجہ کا دورہ پاکستان متوقع

دورے میں انسداد دہشتگردی، تجارت اور دو طرفہ تعلقات مضبوط کرنے پر مشاورت ہوگی،سفارتی ذرائع

جمعہ 22 اگست 2025 12:53

پاکستان ، امریکا کے تعلقات میں پیش رفت ،امریکی وزیر خارجہ کا دورہ پاکستان ..

اسلام آباد(اُردو پوائنٹ اخبارتازہ ترین - این این آئی۔ 22 اگست2025ء)پاکستان اور امریکا کے تعلقات میں بڑی پیش رفت سامنے آئی ہے،امریکی وزیر خارجہ مارکو روبیو کے اکتوبر میں دورہ پاکستان متوقع ہے۔

(جاری ہے)

سفارتی ذرائع کے مطابق پاکستان نے امریکی وزیر خارجہ مارکو روبیو کے دورے کی تیاریاں شروع کر دیں، یہ دورہ ممکنہ طور پر اکتوبر کے اردگرد متوقع ہے۔سفارتی ذرائع کے مطابق دورے میں انسداد دہشتگردی، تجارت اور دو طرفہ تعلقات مضبوط کرنے پر مشاورت ہوگی، دورہ عمل میں آنے پر امریکی وزیر خارجہ روبیو کا پہلا دورہ پاکستان ہوگا۔پاکستان کا آخری دورہ کرنے والے امریکی وزیر خارجہ مائیک پومپیو تھے، مائیک پومپیو نے ستمبر 2018میں پاکستان کا دورہ کیا تھا۔