وزیراعلی پنجاب مریم نواز شریف کا سعودی شہزادہ فہد بن مقرن بن عبدالعزیز آل سعودکی والدہ کی وفات پر اظہار تعزیت

جمعہ 22 اگست 2025 13:25

لاہور (اُردو پوائنٹ اخبارتازہ ترین - اے پی پی۔ 22 اگست2025ء) وزیراعلی پنجاب مریم نواز شریف نے سعودی شہزادہ فہد بن مقرن بن عبدالعزیز آل سعودکی والدہ کی وفات پر گہرے دکھ اور افسوس کا اظہار کیا ہے ۔

(جاری ہے)

جمعہ کو جاری اپنے تعزیتی بیان میں انہوں نے شہزاد فہد بن مقرن بن عبدالعزیز اور سوگوار خاندان سے دلی ہمدردی و اظہار تعزیت کرتے ہوئے کہا کہ ہم دکھ کی اس گھڑی میں اہل خانہ کے غم میں برابر کے شریک ہیں ،والدین ٹھنڈی چھائوں کی طرح ہوتے ہیں جن کا کوئی متبادل نہیں ہو تا۔ وزیراعلی نے دعا کی کہ اللہ تعالی مرحومہ کو جنت الفردوس میں اعلی مقام عطا فرمائے اور لواحقین کو یہ صدمہ حوصلے اور ہمت سے برداشت کرنے کی توفیق دے ،انہوں نے مرحومہ کے درجات کی بلندی کیلئے دعا بھی کی۔