امریکیوں کی اکثریت نے فلسطینی ریاست کے حق میں رائے دیدی

جمعہ 22 اگست 2025 13:25

واشنگٹن(اُردو پوائنٹ اخبارتازہ ترین - این این آئی۔ 22 اگست2025ء)امریکیوں کی اکثریت نے فلسطینی ریاست کے حق میں رائے دے دی۔اپسوس کے سروے میں بڑی تعداد میں امریکی شہریوں نے فلسطینی ریاست کے حق میں رائے دی۔سروے کے مطابق 58 فیصد امریکیوں کا ماننا ہے کہ اقوام متحدہ کے تمام رکن ممالک کو فلسطین کو ایک ریاست کے طور پر تسلیم کرنا چاہیے۔

(جاری ہے)

سروے میں 33 فیصد نے اس سے اتفاق نہیں کیا جبکہ 9 فیصد نے کوئی رائے نہیں دی۔

سروے کے دوران امید ظاہر کی گئی کہ اسرائیل اور حماس 60 روزہ جنگ بندی اور یرغمالیوں کی جزوی رہائی کے معاہدے پر پہنچ سکتے ہیں۔واضح رہے کہ یہ سروے ایسے وقت میں سامنے آیا ہے جب کینیڈا، برطانیہ اور فرانس نے فلسطین کو تسلیم کرنے کا اعلان کیا ہے اور غزہ میں قحط کی صورتحال شدت اختیار کر رہی ہے۔