بچی کو حراساں کرنے والا رکشہ ڈرائیور گرفتار

ملزم ندیم بچی کو رکشہ پر بٹھاتے اور اتارتے نازیبا حرکات اور حراساں کرتا تھا

جمعہ 22 اگست 2025 14:48

لاہور (اُردو پوائنٹ اخبارتازہ ترین - این این آئی۔ 22 اگست2025ء) سمن آباد پولیس نے 15کال پر بروقت کارروائی کر کے بچی کو حراساں کرنے والے رکشہ ڈرائیور کو گرفتار کر لیا ۔

(جاری ہے)

ایس پی ڈاکٹر محمد عمر کے مطابق یتیم 14/15سالہ ردائے زینب اپنے ماموں کے ساتھ سمن آباد رہتی تھی، ملزم رکشہ ڈرائیور ندیم ردائے زینب کو رکشہ پر شادمان اکیڈمی چھوڑنے جاتا تھا، ملزم ندیم بچی کو رکشہ پر بٹھاتے اور اتارتے نازیبا حرکات اور حراساں کرتا تھا، ملزم بچی کو دھمکاتا اگر کسی کو بتائو گی تو تمہاری عزت خراب ہو گی، بچی نے رکشہ ڈرائیور کے حراساں کرنے پر گھر بتایا تو ملزم موقع سے فرار ہو گیا۔

ملزم کے خلاف بچی کے ماموں ذوالفقار حیدر کی مدعیت میں مقدمہ درج کیا گیا ۔ پولیس نے ملزم کو ہیومین ریسورس اور جدید ٹیکنالوجی سے گرفتار کر لیا۔ایس پی ڈاکٹر محمد عمر نے ایس ایچ او سمن آباد فراز احمد اور پولیس ٹیم کو شاباش دیتے ہوئے کہا کہ بچیوں کو حراساں کرنے والے ملزمان بلکل قابل برداشت نہیں۔