وزیر ہائو سنگ بلال یاسین کی زیر صدارت واسا لاہور میں 13اضلاع میں نئے واساز کی فعالیت بارے اجلاس

تمام اضلاع کے ایم سی ایل کی فعال مشینری اور سٹاف کو واسا کے ڈسپوزل پر منتقل کردیا گیا‘ بریفنگ

جمعہ 22 اگست 2025 20:25

لاہور (اُردو پوائنٹ اخبارتازہ ترین - این این آئی۔ 22 اگست2025ء) وزیر ہائو سنگ اینڈ اربن ڈویلپمنٹ بلال یاسین کی زیر صدارت واسا لاہور میں اہم اجلاس ہوا،13اضلاع میں نئے واساز کی تشکیل، درپیش مسائل اور دستیاب وسائل بارے ڈی جی واسا پنجاب طیب فرید نے تفصیلی بریفنگ دی ، بریفنگ میں بتایا گیا کہ تمام اضلاع کے ایم سی ایل کی فعال مشینری اور سٹاف کو واسا کے ڈسپوزل پر منتقل کردیا گیا، مرکزی دفاتر، سنٹرل کمپلینٹ مینجمنٹ ، بورڈ آف مینجمنٹ کی تشکیل سمیت متعدد امور پر گفتگو کی گئی۔

(جاری ہے)

وزیر ہائو سنگ پنجاب کا کہنا تھا کہ موجودہ حالات کے پیش نظر تمام واساز ڈی سلٹنگ مہم کو تیزی سے جاری رکھیں، وزیر اعلی پنجاب کی ہدایت پر ترجیحی بنیادوں پر وسائل کی فراہمی یقینی بنائی جائے گی۔بلال یاسین نے واضح کیا کہ عوامی مشکلات کا بروقت تدارک افسران کی اولین ذمہ داری یے، نئے واساز کے قیام اور فعالیت بارے آگاہی مہم وقت کی اہم ضرورت ہے، ایم ڈی واسا لاہور، سرگودھا، جھنگ، ساہیوال، اوکاڑہ اور سیالکوٹ کے ایم ڈیز بھی شریک تھے،حافظ آباد،جہلم، رحیم یار خان ،ڈی جی خان اور بہاولپور کے ایم ڈیز نے بذریعہ ویڈیو لنک شرکت کی۔