خیبرپختونخوا‘ سرکاری ملازمین کی تنخواہوں سے سیلاب متاثرین کیلئے فنڈ جمع کرنے کا فیصلہ

ہفتہ 23 اگست 2025 14:52

پشاور(اُردو پوائنٹ اخبارتازہ ترین - این این آئی۔ 23 اگست2025ء) خیبرپختونخوا حکومت نے سیلاب متاثرین کی بحالی اور امداد کے لیے سرکاری ملازمین کی تنخواہوں سے کٹوتی کرنے کا فیصلہ کر لیا، اس حوالے سے محکمہ خزانہ نے باضابطہ اعلامیہ بھی جاری کر دیا۔

(جاری ہے)

اعلامیے کے مطابق گریڈ 17 اور اس سے اوپر کے افسران کی 2 دن کی تنخواہ جبکہ گریڈ ایک سے 16 کے ملازمین کی ایک دن کی تنخواہ کاٹی جائے گی، یہ کٹوتی اگست کی تنخواہوں سے کی جائے گی۔محکمہ خزانہ کا کہنا ہے کہ یہ فیصلہ صوبائی کابینہ کے اجلاس میں کیا گیا تھا جس کا مقصد سیلاب متاثرین کی فوری مدد کے لیے فنڈز اکٹھے کرنا ہے۔