چینی کے مقرر کردہ نرخوں پر عملدرآمد نہ کرنیوالوں کیخلاف کریک ڈاؤن جاری

ْگزشتہ 24 گھنٹوں کے دوران 295 دکانداروں کیخلاف چینی کی قیمتوں میں ناجائز منافع خوری پر کارروائیاں پنجاب بھر میں 33 افراد گرفتار، 09 کیخلاف مقدمات درج، 262 افراد کو جرمانے عائد،700 تھیلے چینی برآمد

ہفتہ 23 اگست 2025 20:25

لاہور (اُردو پوائنٹ اخبارتازہ ترین - این این آئی۔ 23 اگست2025ء)چینی کے مقرر کردہ نرخوں پر عملدرآمد نہ کرنیوالوں کیخلاف کریک ڈاؤن جاری ہے،گزشتہ 24 گھنٹوں کے دوران 295 دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں، ترجمان پرائس کنٹرول کے مطابق پنجاب بھر میں 33 افراد گرفتار، 09 کیخلاف مقدمات درج، 262 افراد کو جرمانے عائد جبکہ 700 تھیلے چینی برآمد کی گئی،اب تک 34 ہزار397 افراد کیخلاف کارروائیوں میں 2590 افراد گرفتار اور 400 کیخلاف مقدمات درج کروائے گئے ہیں،لاہور ڈویژن میں 51 گراں فروشوں کیخلاف کارروائیاں، 14افراد گرفتار جبکہ 09 کیخلاف مقدمات درج کروائے گئے، گوجرانولہ ڈویژن میں29 اور فیصل آباد میں 51 دوکانداروں کیخلاف چینی کے نرخوں کی خلاف ورزی پر کارروائیاں کی گئیں، ساہیوال ڈویژن میں 11، سرگودھا 20 جبکہ راولپنڈی میں 32 گراں فروشوں کیخلاف کارروائیاں کی گئیں،بہاولپور ڈویژن میں 23,ڈی جی خان 11، جبکہ ملتان میں 67 چینی گراں فروشوں کیخلاف کارروائیاں کی گئیں، علاؤہ ازیں پھالیہ میں چینی کے ناجائز ذخیرہ اندوز سے 700 تھیلے برآمد کرکے سرکاری نرخوں پر فروخت یقینی بنائی گئی، ترجمان کا کہنا تھا کہ ناجائز منافع خوروں اور ذخیرہ اندوزوں کیخلاف کریک ڈاؤن جاری رہے گا، عام مارکیٹ میں نرخوں پر عملدرآمد میں واضح بہتری آچکی ہے۔