ٹ*پاکستان پیپلز پارٹی عوامی خدمت پر یقین رکھتی ہے ، حاجی علی مدد جتک

ہفتہ 23 اگست 2025 21:00

۹کوئٹہ (اُردو پوائنٹ اخبارتازہ ترین - آن لائن۔ 23 اگست2025ء) پاکستان پیپلز پارٹی کے مرکزی رہنما اور رکن بلوچستان اسمبلی حاجی علی مدد جتک سے ان کی رہائشگاہ پر انتخابی حلقے کے بڑی تعداد میں عوام اور معززین نے ملاقات کی۔ اس موقع پر علاقے کے معتبرین، قبائلی عمائدین، نوجوان اور سیاسی کارکنان بھی موجود تھے۔ملاقات کے دوران عوام نے حاجی علی مدد جتک کو اپنے مسائل سے آگاہ کرتے ہوئے تعلیم، صحت، روزگار اور ترقیاتی منصوبوں میں تیزی لانے کی درخواست کی۔

(جاری ہے)

عوامی نمائندوں نے کہا کہ علاقے میں بنیادی سہولیات کی کمی کے باعث مشکلات کا سامنا ہے جنہیں فوری طور پر حل کرنے کی ضرورت ہے۔حاجی علی مدد جتک نے عوامی مسائل کو غور سے سنا اور یقین دلایا کہ وہ اپنے حلقے کے عوام کی توقعات پر پورا اترنے کے لیے ہر ممکن اقدامات کریں گے۔ انہوں نے کہا کہ پاکستان پیپلز پارٹی عوامی خدمت پر یقین رکھتی ہے اور عوامی مسائل کے حل کے لیے عملی اقدامات اٹھائے جائیں گے۔انہوں نے مزید کہا کہ ترقیاتی منصوبوں پر عملدرآمد کو یقینی بنایا جائے گا اور عوامی خدمت ہی ان کی سیاست کا مقصد ہے۔ اس موقع پر عوام نے حاجی علی مدد جتک کی عوام دوست پالیسیوں اور حلقے کے لیے خدمات پر اعتماد کا اظہار کیا