پاکستان پیپلز پارٹی اور مسلم لیگ ن کا ضمنی انتخابات مل کر لڑنے کا اعلان

ہفتہ 23 اگست 2025 21:10

اسلام آباد (اُردو پوائنٹ اخبارتازہ ترین - اے پی پی۔ 23 اگست2025ء) پاکستان پیپلز پارٹی اور مسلم لیگ ن کے درمیان ضمنی انتخابات کے حوالے سے فارمولا طے پا گیا،دونوں جماعتوں نے ضمنی انتخابات مل کر لڑنے کا اعلان کیا ہے ،عام انتخابات کے دوران جس حلقے میں جس جماعت کا امیدواررنر اپ تھا وہاں دوسری جماعت اس کی حمایت کرے گی۔

(جاری ہے)

اس فیصلے کا اعلان پاکستان مسلم لیگ ن کے رہنمااوروفاقی وزیر ریلوےحنیف عباسی ،پاکستان مسلم لیگ ن کے رہنما اوروفاقی وزیرطارق فضل نے پاکستان پیپلز پارٹی کےسیکرٹری جنرل سیدنیئر حسین بخاری اورسابق وزیر اعظم اور پاکستان پیپلز پارٹی وسطی پنجاب کے صدر راجہ پرویز اشرف کیساتھ ان کی رہائشگاہ پر مشترکہ پریس کانفرنس کرتے ہوئے کیا۔

پی پی پی میڈیا سیل کے مطابق دونوں جماعتوں کے قائدین نے کہا کہ آج کی ملاقات دونوں جماعتوں کے قائدین کی ہدایت پر ہوئی ہے جس میں ضمنی انتخابات کے حوالے سے بات چیت کی گئی۔راجہ پرویز اشرف نے کہا کہ دونوں اتحادی جماعتوں کے درمیان فارمولا طے پاگیا ہے،ضمنی انتخابات میں ہم ن لیگ کی اور ن لیگ ہماری حمایت کرے گی۔