روس مذاکرات کی میز کے بجائے بیلسٹک میزائلوں کو چنتا ہے، یوکرینی صدر

کیف پر حملے سے ظاہر ہے کہ روس کو حقیقی سفارت کاری میں دلچسپی نہیں، زیلنسکی

جمعرات 28 اگست 2025 15:21

کیف(اُردو پوائنٹ اخبارتازہ ترین - این این آئی۔ 28 اگست2025ء)یوکرین کے صدر زیلنسکی نے کہا ہے حملوں سے معلوم ہوتا ہے کہ روس کو سفارت کاری میں کوئی دلچسپی نہیں ہے۔

(جاری ہے)

غیرملکی خبر ایجنسی کے مطابق یوکرینی صدر نے ایک بیان میں کہا کہ روسی دارالحکومت کیف پر گزشتہ رات روسی حملے میں8 افراد ہلاک ہوئے ہیں۔ صدر زیلنسکی کا کہنا تھا کہ کیف پر حملے سے ظاہر ہے کہ روس کو حقیقی سفارت کاری میں دلچسپی نہیں، روس مذاکرات کی میز کے بجائے بیلسٹک میزائلوں کو چنتا ہے۔یوکرینی صدرنے روس پر نئی پابندیوں کا مطالبہ کرتے ہوئے کہا کہ روس جنگ ختم کرنے کے بجائے قتل غارت گری جاری رکھے ہوئے ہے۔