Live Updates

سیالکوٹ انٹرنیشنل ایئرپورٹ کی عارضی بندش، فضائی آپریشن میں تبدیلی

جمعرات 28 اگست 2025 17:55

سیالکوٹ(اُردو پوائنٹ اخبارتازہ ترین - این این آئی۔ 28 اگست2025ء)شدید بارشوں اور سیلابی صورتحال کے پیش نظر سیالکوٹ انٹرنیشنل ایئرپورٹ کو عارضی طور پر بند کر دیا گیا۔ذرائع کے مطابق سیالکوٹ انٹرنیشنل ایئرپورٹ پر قومی ایئرلائن کے فضائی آپریشن میں تبدیلی کی گئی ہے۔

(جاری ہے)

جمعرات کی شب 10 بجے تک قومی ائرلائن کی سیالکوٹ سے آپریٹ ہونے والی تمام پروازیں لاہور ایئرپورٹ منتقل کی گئیں۔جدہ سے سیالکوٹ کی پرواز اور سیالکوٹ سے جدہ کی پرواز لاہور ایئرپورٹ سے آپریٹ کرنے جبکہ سیالکوٹ سے کویت اور دمام سے سیالکوٹ کی پروازیں بھی لاہور ایئرپورٹ سے آپریٹ کرنے کافیصلہ کیاگیا۔