گوجرانوالہ ، سیلاب میں پھنسے شہریوں کو نکالنے کیلئے پاک فوج کا ہیلی کاپٹر سے آپریشن جاری

جمعرات 28 اگست 2025 17:41

گوجرانوالہ(اُردو پوائنٹ اخبارتازہ ترین - این این آئی۔ 28 اگست2025ء) گوجرانوالہ میں سیلاب میں پھنسے شہریوں کو نکالنے کیلئے پاک فوج کا ہیلی کاپٹر سے آپریشن جمعرات کو بھی جاری رہا۔

(جاری ہے)

بھارت کی جانب سے چھوڑے جانے والے سیلابی پانی سے دریائے چناب کے قریبی دیہات زیر آب آگئے، دریائے چناب ہیڈخانکی کے قریب سیلابی پانی کے باعث مختلف علاقوں کا زمینی راستہ بھی منقطع ہو گیا۔

سیلاب میں پھنسے شہریوں کو نکالنے کیلئے پاک فوج کا ہیلی کاپٹر کے ذریعے امدادی آپریشن دن بھر جاری رہا ، پاک فوج کے جوانوںنے کشتیوں اور ہیلی کاپٹر کی مدد سے متاثرین کو محفوظ مقامات پر منتقل کیا۔متاثرین سیلاب نے پاک فوج کے اس ریسکیو اینڈ ریلیف آپریشن کو سراہا ہے، پاک فوج اس مشکل گھڑی میں عوام کے ساتھ کھڑی ہے۔