راول ڈیم میں پانی کی سطح میں اضافہ، سپیل ویز کھول دیئے گئے

جمعہ 29 اگست 2025 12:50

راولپنڈی(اُردو پوائنٹ اخبارتازہ ترین - این این آئی۔ 29 اگست2025ء)راول ڈیم میں پانی کی سطح میں اضافہ پر ڈیم کے سپیل ویز کھول دیئے گئے۔رپور ٹ کے مطابق سپیل ویز پانی کی سطح 1751 فٹ تک پہنچنے پر کھولے گئے، سپیل ویز کھلے رہنے کا دورانیہ تقریباً پانچ گھنٹے رہا، سپیل ویز پانی کی سطح 1746 ایکڑ فٹ تک پہنچنے تک کھلے رہے، سپیل ویز کھولنے سے پہلے سائرن بھی بجائے گئے۔

(جاری ہے)

این ڈی ایم اے کے مطابق کورنگ نالہ میں پانی کے بہاؤ میں اضافہ متوقع ہے، کورنگ نالہ سے ملحقہ رہائشی آبادیوں کے مکین محتاط رہیں،عوام سے التماس ہے کہ پانی کا بہاؤ تیز ہونے کی صورت میں نالہ اور نالے پر بنے عارضی پل کراس کرنے سے گریز کریں۔