Live Updates

وزیراعلیٰ مریم نواز شریف کا سیالکوٹ کا دورہ، سیلابی پانی سے پیدا ہونے صورتحال کا جائزہ لیا

جمعہ 29 اگست 2025 20:40

سیالکوٹ 29 اگست (اے پی پی) (اُردو پوائنٹ اخبارتازہ ترین - اے پی پی۔ 29 اگست2025ء) وزیر اعلیٰ پنجاب مریم نواز شریف سیالکوٹ سمبڑیال ایئر پورٹ چوک پہنچ گئیں۔ وزیر اعلیٰ مریم نواز شریف نے علاقے میں سیلابی پانی سے پیدا ہونے والی صورتحال کا جائزہ لیا۔ ڈپٹی کمشنر صباء اصغر علی نے سیالکوٹ میں سیلاب اور اس کے بعد پیدا ہونے والی صورتحال پر تفصیلی بریفنگ دی۔

وزیر اعلیٰ مریم نواز شریف نے ڈپٹی کمشنر اور ان کی ٹیم کی کاوشوں کو سراہا۔ وزیر اعلیٰ مریم نواز شریف نے متاثرین کو ریسکیو کرنے کے لئے سیالکوٹ انتظامیہ کی شب و روز کاوشوں کو بھی سراہا۔ وزیر اعلیٰ مریم نواز شریف نے نشیبی علاقوں سے پانی نکالنے کے لئے مزید ڈی واٹرنگ پمپ سے نکاسی مکمل کرنے کی ہدایت کی ہے۔وزیراعلیٰ مریم نواز شریف نے سیلاب متاثرین کے لئے مکمل بحالی تک کھانا فراہم کرنے کی ہدایت کی۔

(جاری ہے)

وزیراعلیٰ مریم نواز شریف نے ارکان اسمبلی کو عوام کے درمیان جانے کی بھی ہدایت کی ہے۔ ارکان اسمبلی نے بارش کے پانی کی نکاسی کے لئے پائیدار اقدامات کے لئے تجاویز اور سفارشات پیش کیں۔وزیراعلیٰ مریم نواز شریف نے سیلاب سے ہونے والے نقصان کا جلد از جلد تخمینہ پیش کرنے کی ہدایت بھی کی۔وزیراعلیٰ مریم نواز شریف نے کہا کہ مشکل کے وقت میں ارکان اسمبلی کو ہر وقت اپنے عوام کے پاس ہونا چاہیے۔

بریفنگ میں بتایا کہ سیالکوٹ میں حالیہ بارشوں کے دوران تقریباً 20 ہزار افراد کو محفوظ مقام پر منتقل کیا گیا۔ انتظامیہ کی کاوشوں سے سیلاب میں پھنسے 6 ہزار 860 افراد کو بروقت ریسکیو کیا گیا۔ سیلابی ریلوں سے سیالکوٹ کے تین سو سے زائد موضعات اور دیہات متاثرہ ہوئے۔ ضلع سیالکوٹ میں متاثرین سیلاب کے لیے 38 ریلیف کیمپ اور 18 فوڈ کیمپ قائم کیے گئے ہیں۔