قومی انڈر-23 فٹبال ٹیم نے اسلام آباد میں ٹریننگ کیمپ مکمل کر لیا

ہفتہ 30 اگست 2025 18:15

اسلام آباد (اُردو پوائنٹ اخبارتازہ ترین - این این آئی۔ 30 اگست2025ء)پاکستان کی انڈر-23 قومی فٹبال ٹیم نے اے ایف سی انڈر-23 ایشین کپ 2026 کوالیفائرز کی تیاری کے لیے اسلام آباد میں اپنا تربیتی کیمپ مکمل کر لیا ہے،یہ دو ہفتے کا کیمپ ہیڈ کوچ نولبرٹو سولانو کی نگرانی میں منعقد ہوا۔

(جاری ہے)

ٹیم کل رات (31 اگست) کمبوڈیا روانہ ہوگی اور کراچی سے ایک نجی ایئرلائن کے ذریعے بنکاک میں مختصر قیام کے بعد پنوم پین پہنچے گی۔پاکستان اپنا پہلا کوالیفائنگ میچ 3 ستمبر کو عراق کے خلاف کھیلے گا۔ دوسرا گروپ میچ 6 ستمبر کو میزبان ملک کمبوڈیا کے خلاف ہوگا۔ پاکستان اپنا گروپ مرحلے کا آخری میچ 9 ستمبر کو عمان کے خلاف کھیلے گا۔