gایشیا کپ 2025ء کے ٹکٹس آن لائن دستیاب‘فروخت کا آغاز

ي*کم از کم قیمتیں 40 درہم‘ پاک بھارت ٹاکرا، کے ٹکٹس 7 میچوں کے ٹکٹ پیکج میں حاصل کیے جاسکتے ہیں

ہفتہ 30 اگست 2025 18:25

ج*دبئی (اُردو پوائنٹ اخبارتازہ ترین - آن لائن۔ 30 اگست2025ء)امارات کرکٹ بورڈ (ای سی بی) نے ایشیا کپ 2025 کے آن لائن ٹکٹوں کی فروخت کا آغاز کردیا ہے۔غیر ملکی میڈیا رپورٹس کے مطابق آن لائن ٹکٹوں کی فروخت کا آغاز گزشتہ روز سے ہوا ہے۔میزبان کرکٹ بورڈ کے مطابق ابوظبی کے زید کرکٹ اسٹیڈیم میں کھیلے جانے والے میچوں کی ٹکٹوں کی کم از کم قیمتیں 40 درہم جبکہ دبئی میں ہونے والے میچز کے ٹکٹ 50 درہم میں دستیاب ہوں گے۔

(جاری ہے)

تاہم شائقین کو سب سے زیادہ جس میچ کا انتظار ہے یعنی پاک بھارت ٹاکرا، کے ٹکٹس 7 میچوں کے ٹکٹ پیکج میں حاصل کیے جاسکتے ہیں، جس میں روایتی حریفوں کے درمیان سپر فور کے ممکنہ مقابلے اور فائنل جو 28 ستمبر کو کھیلا جائے گا بھی شامل ہے۔ابتدائی طور پر اس پیکچ کی قیمت 1400 درہم رکھی گئی ہے۔ اس پیکج کے تمام میچز دبئی انٹرنیشنل کرکٹ اسٹیڈیم میں کھیلے جائیں گے۔تاہم باقی میچز کے لیے شائقین کو الگ الگ ٹکٹس خریدنے کی سہولت بھی ہوگی، جو 7 میچز کے اس پیکیج میں شامل نہیں ہیں۔مزید برآں، ابوظبی اور دبئی میں ہونے والے ایشیا کپ 2025 کے ٹکٹس آنے والے دنوں میں دفاتر پر بھی دستیاب ہوں گے، جن کی تفصیلات جلد جاری کی جائیں گی۔