راولپنڈی پولیس کا پی ٹی آئی رہنماء کنول شوزب کی رہائشگاہ پرچھاپہ، گرفتاری عمل میں نہ آسکی

ہفتہ 30 اگست 2025 19:20

راولپنڈی (اُردو پوائنٹ اخبارتازہ ترین - این این آئی۔ 30 اگست2025ء)جی ایچ کیو حملہ کیس میں پی ٹی آئی کی سینئر رہنما کنول شوزب کے ناقابل ضمانت وارنٹ گرفتاری جاری کردیے گئے۔

(جاری ہے)

ہفتے کو انسداد دہشت گردی عدالت راولپنڈی کے جج امجد علی شاہ نے وارنٹ جاری کیے، اپنے فیصلے میں عدالت نے ملزمہ کو گرفتار کر کے 3ستمبر کو پیش کرنے کا حکم دیا۔عدالتی حکم کے بعد تھانہ چکلالہ پولیس نے تحریک انصاف کی رہنما کے گھر پر چھاپا مارا تاہم ان کی گرفتاری نا ہوسکی۔