اسرائیل کا ترجمان حماس ابو عبیدہ کو نشانہ بنانے کا دعوی

اسرائیلی ٹینکوں پر حماس کے حملے میں کئی اسرائیلی فوجی بھی مارے گئے

اتوار 31 اگست 2025 12:35

غزہ (اُردو پوائنٹ اخبارتازہ ترین - این این آئی۔ 31 اگست2025ء)اسرائیلی فوج نے غزہ شہر میں حماس کے ترجمان ابو عبیدہ کو نشانہ بنانے کا دعوی کیا ہے۔عرب میڈیا کے مطابق غزہ میں داخل ہونے والے اسرائیلی ٹینکوں پر حماس کی جانب سے حملے کیے گئے جس میں کئی اسرائیلی فوجی ہلاک اور کچھ کو اغوا کیے جانے کی اطلاعات ہیں۔

(جاری ہے)

غزہ میں فوجی آپریشن کی توسیع کے بعد برطانیہ نے اسرائیلی حکام کو لندن دفاعی نمائش میں مدعو نہ کرنے کا فیصلہ کیا ہے۔

اگلے ماہ اقوام متحدہ کی جنرل اسمبلی کے اجلاس میں متعدد یورپی ممالک نے فلسطین کو ریاست تسلیم کرنے کا فیصلہ کیا ہے۔ امریکا نے فلسطینی صدر محمود عباس کو اجلاس میں شرکت کے لیے ویزہ دینے سے انکار کر دیا جبکہ یورپی ممالک نے امریکی فیصلہ غیر منصفانہ قرار دے دیا۔