اقوام متحدہ کے عملے نے غزہ جنگ کو نسل کشی قرار دینے کا مطالبہ کر دیا

اقوام متحدہ اگرجنگ بندی روکنے میں ناکام رہا تو یہ ادارے کی ساکھ کیلئے بڑادھچکاہوگا،خط

اتوار 31 اگست 2025 13:15

نیویارک (اُردو پوائنٹ اخبارتازہ ترین - این این آئی۔ 31 اگست2025ء)غزہ میں جاری اسرائیلی بمباری اور بڑھتے ہوئے ہلاکتوں کے بعد اقوام متحدہ کے انسانی حقوق کے ادارے (او ایچ سی آیچ آر)کے سیکڑوں ملازمین نے ادارے کے سربراہ وولکر ٹرک سے مطالبہ کیا ہے کہ وہ کھلے الفاظ میں اس جنگ کو ’’نسل کشی‘‘قرار دیں۔

(جاری ہے)

500 سے زائد ملازمین کی جانب سے ایک خط میں کہا گیا ہے کہ غزہ میں انسانی حقوق کی خلاف ورزیوں کی شدت اور پیمانے کے بعد نسل کشی کے تمام قانونی تقاضے پورے ہو چکے ہیں۔

خط میں مزید کہا گیا کہ اگر اقوام متحدہ اس جنگ کو نسل کشی قرار دینے میں ناکام رہتا ہے تو یہ ادارے کی ساکھ اور انسانی حقوق کے عالمی نظام کے لیے بڑا دھچکا ہوگا۔یاد رہے کہ 1994 کی روانڈا نسل کشی پر اقوام متحدہ کی خاموشی کو بھی خط میں یاد دلایا گیا۔