ٹیم کی ناتجربہ کاری کے باعث شکست ہوئی، اماراتی بیٹسمین آصف خان

اتوار 31 اگست 2025 18:40

شارجہ(اُردو پوائنٹ اخبارتازہ ترین - آن لائن۔ 31 اگست2025ء)متحدہ عرب امارات کے جارحانہ مزاج مڈل آرڈر بلے باز آصف خان نے پاکستان سے شکست کے بعد کہا کہ ٹیم کی ناتجربہ کاری کے باعث شکست ہوئی ورنہ نتیجہ مختلف ہو سکتا تھا۔انہوں نے کہا کہ ہم نے بڑی ٹیموں کو ویک اپ کال دی ہے اور ایشیا کپ کے لئے پراعتماد ہیں۔

(جاری ہے)

شارجہ میں پاکستان کے خلاف 35 گیندوں پر 77 رنز کی شاندار اننگ کھیلنے کے بعد پریس کانفرنس کرتے ہوئے متحدہ عرب امارات کے بلے باز آصف خان کا کہنا تھا کہ ہمارا پلان آخری اوورز میں پاور ہٹنگ کا تھا، اس پر عمل کیا لیکن پاکستان کی بولنگ نے ہماری منصوبہ بندی کامیاب نہ ہونے دی۔

آصف خان نے اماراتی کپتان محمد وسیم کی اننگ کو بھی سراہا لیکن محمد وسیم کے رن آو?ٹ کو نقصان دہ قرار دیا۔انہوں نے کہا کہ شارجہ ہمارا ہوم گراو?نڈ ہے اور اس نے ہمیں سپورٹ کیا۔ ہم نے پچھلے ہفتوں میں بھرپور ٹریننگ کی، اس کا پھل ضرور ملے گا۔آصف خان کا کہنا تھا کہ اماراتی کرکٹ ٹیم کی اصل طاقت ٹی ٹوئنٹی میں ہے اور بالنگ کے ذریعے اگر حریف کو 170-180 تک روک سکیں تو میچ جیتنے کے امکانات روشن ہیں۔واضح رہے کہ آصف خان 1990 میں لاہور میں پیدا ہوئے اور 2007 سے 2014 تک 32 فرسٹ کلاس میچ کھیل چکے ہیں۔