اسپیکر قومی اسمبلی نے 3 لاکھ 75 ہزار ارب روپے کی متنازع آڈٹ رپورٹ واپس بھجوادی

رپورٹس وزارت پارلیمانی امور کے ذریعے بھیجے بغیر براہِ راست قومی اسمبلی سیکرٹریٹ پہنچانے پر سخت ناراضگی کا اظہار

میاں محمد ندیم پیر 1 ستمبر 2025 16:23

اسپیکر قومی اسمبلی نے 3 لاکھ 75 ہزار ارب روپے کی متنازع آڈٹ رپورٹ واپس ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔یکم ستمبر ۔2025 )اسپیکر قومی اسمبلی نے 3 لاکھ 75 ہزار ارب روپے کی متنازع آڈٹ رپورٹ آڈیٹر جنرل آف پاکستان کو واپس بھیج دی ہے رپورٹ کے مطابق مالی سال 2023-24کی سالانہ آڈٹ رپورٹ میں 3 لاکھ 75 ہزار ارب روپے کی بے ضابطگیوں کا انکشاف کیا گیا تھا .

(جاری ہے)

اسپیکر قومی اسمبلی نے اس بات پر سخت ناراضی ظاہر کی کہ رپورٹس وزارت پارلیمانی امور کے ذریعے بھیجے بغیر براہِ راست قومی اسمبلی سیکرٹریٹ پہنچا دی گئیں تاکہ ایوان میں پیش ہوں رپورٹ کے مطابق اے جی پی نے جواب میں قومی اسمبلی سیکرٹریٹ کو خط لکھا کہ آئین کے مطابق یہ ایوان کی ذمہ داری ہے کہ رپورٹ پارلیمنٹ میں پیش کرے. یہ آڈٹ رپورٹ پہلے ہی شدید تنازع کا شکار ہے کیونکہ اس میں بے ضابطگیوں کا حجم 3 لاکھ 75 ہزار ارب روپے بتایا گیا ہے، یہ رقم وفاقی بجٹ سے 27 گنا زیادہ اور پاکستان کی مجموعی جی ڈی پی سے ساڑھے 3 گنا زیادہ ہے رپورٹ کے مطابق سابق آڈیٹر جنرل جاوید جہانگیر نے اس رقم کو غیر معمولی قرار دیتے ہوئے نظرثانی کا مطالبہ کیا اور کہا کہ ضروری ہے کہ ان غیر معمولی اعدادوشمار کی دوبارہ جانچ کی جائے.