Live Updates

وزیراعظم کی صدر پیوٹن سے ملاقات؛ تجارت و مختلف شعبوں میں تعاون کی خواہش ظاہر کردی

روسی صدر کی جانب سے شہباز شریف کو ایس سی او سمٹ میں شرکت کی دعوت بھی دی گئی

ساجد علی منگل 2 ستمبر 2025 16:49

وزیراعظم کی صدر پیوٹن سے ملاقات؛ تجارت و مختلف شعبوں میں تعاون کی خواہش ..

بیجنگ ( اُردو پوائنٹ اخبارتازہ ترین۔ 02 ستمبر 2025ء ) وزیراعظم پاکستان شہباز شریف اور روس کے صدر ولادیمیر پیوٹن کے درمیان ملاقات ہوئی ہے۔ تفصیلات کے مطابق وزیراعظم شہباز شریف کی روسی صدر ولادیمیر پیوٹن کے ساتھ ملاقات کے میں نائب وزیراعطم و وزیر خارجہ اسحاق ڈار، وزیر اطلاعات عطااللہ تارڑ اور فیلڈ مارشل سید عاصم منیر بھی شریک ہوئے جہاں ملاقات سے پہلے شہبازشریف اور ولادیمیر پیوٹن نے گرمجوشی سے مصافحہ کیا، ملاقات میں دوطرفہ تعلقات کو فروغ دینے کے عزم کا اعادہ کیا گیا۔

چین کے داارلحکومت بیجنگ میں روسی صدر پیوٹن سے ملاقات کے دوران گفتگو کرتے ہوئے شہبازشریف نے کہا کہ روس کے ساتھ تعلقات کا فروغ چاہتے ہیں، روس سے تجارت سمیت مختلف شعبوں میں تعاون کے خواہشمند ہیں، روس کے ساتھ دوطرفہ تعلقات وقت کے ساتھ مضبوط ہورہے ہیں، ہم اپنے تعلقات کو بلندیوں تک لے جانا چا ہتے ہیں، پاکستان خطے میں امن اور خوشحالی کا فرووغ چاہتا ہے، آپ خطے کی ترقی میں اہم کردار ادا کرسکتے ہیں۔

(جاری ہے)

اس موقع پر روسی صدر پیوٹن نے کہا کہ ’پاکستان کو اس وقت قدرتی آفات کاسامنا ہے، پاکستان میں سیلاب سے ہونے والے نقصانات پر شدید افسوس ہوا، روس کے پاکستان کے ساتھ بہترین تعلقات ہیں، پاکستان اور روس تعلقات کو مزید فروغ دینا چاہتے ہیں‘، اس دوران روسی صدر کی جانب سے وزیراعظم شہباز شریف کو ایس سی او سمٹ میں شرکت کی دعوت بھی دی گئی ، جس پر وزیراعظم نے اُن کا شکریہ ادا کرتے ہوئے کہا کہ ’مجھے روس کا دورہ کرکے بہت خوشی ہوگی‘۔