مشکل وقت میں اللہ تعالیٰ کے فضل و کرم سے عوام کیلئے آسانیاں پیدا کر رہے ہیں‘ خواجہ سلمان رفیق

لاہور (اُردو پوائنٹ اخبارتازہ ترین - این این آئی۔ 02 ستمبر2025ء) سیلابی صورتحال میں عوام کے ریلیف کی خاطر صوبائی وزیر خواجہ سلمان رفیق فیلڈ میں مسلسل متحرک ہیں ،صوبائی وزیر صحت روزانہ کی بنیاد پر مختلف متاثرہ اضلاع میں خود جا کر سیلابی صورتحال کا جائزہ لے رہے ہیں، صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق صورتحال کا جائزہ لینے ضلع مظفرگڑھ پہنچ گئے ،ڈپٹی کمشنر آفس میں اعلیٰ سطح کا اجلاس منعقدہوا ۔

ڈپٹی کمشنر عثمان طاہر جپہ نے سیلابی صورتحال اور نمٹنے کیلئے انتظامات و ریسکیو آپریشن بارے بریفنگ دی اجلاس میں ڈسٹرکٹ پولیس آفیسر سید غضنفر علی شاہ و دیگر تمام متعلقہ محکمہ جات کے ضلعی افسران نے شرکت کی۔اجلاس کے دوران سیلابی صورتحال اور حفاظتی اقدامات کا جائزہ لیا گیا ۔

(جاری ہے)

صوبائی وزیر صحت خواجہ سلمان رفیق کی ضلعی افسران کو امدادی سرگرمیاں تیز کرنے کی ہدایت کی۔

اجلاس میں سیلاب متاثرین کے انخلا اور خوراک کی فراہمی کو یقینی بنانے کی ہدایت کی۔متاثرہ علاقہ جات میں ریلیف کیمپوں اور طبی سہولتوں پر بھی بریفنگ دی گئی ۔اجلاس کے بعد صوبائی وزیر خواجہ سلمان رفیق، رکن پنجاب اسمبلی اجمل چانڈیہ اور ڈپٹی کمشنر عثمان طاہر جپہ نے کمپری ہینسو ہائی سکول کے ریلیف کیمپ کا دورہ کیاوزیر صحت کی ہدایت پر طبی ٹیموں کو ہائی الرٹ کر دیا گیا ڈی پی او سید غضنفر علی شاہ نے حفاظتی انتظامات یقینی بنانے کی یقین دہانی بھی کرائی۔

وزیر صحت خواجہ سلمان رفیق کا انتظامیہ اور پولیس کے اقدامات پر اطمینان کا اظہارکیا۔صوبائی وزیر صحت خواجہ سلمان رفیق نے کہا کہ حکومت پنجاب مشکل وقت میں عوام کے ساتھ کھڑی ہے وقت مشکل ہے لیکن اللہ تعالیٰ کے فضل و کرم سے عوام کیلئے آسانیاں پیدا کر رہے ہیںسیلاب متاثرین کو سہولیات کی فراہمی کیلئے تمام تر وسائل بروئے کار لائے جا رہے ہیں۔

صوبائی وزیر صحت خواجہ سلمان رفیق نے کہا کہ وزیر اعلیٰ پنجاب مریم نواز شریف کی ہدایت پر خود سیلاب سے متاثرہ علاقوں کا وزٹ کرکے تمام صورتحال اور ریسکیو آپریشن کا جائزہ لے رہے ہیںمظفرگڑھ کی ضلعی انتظامیہ بھی سیلاب متاثرین تک سہولیات کی فراہمی کیلئے کوشاں ہے انہو ں نے کہا کہ سیلاب متاثرین اور مویشیوں کا انخلاء یقینی بنایا جا رہا ہیصوبائی وزیر صحت خواجہ سلمان رفیق نے کہا کہ اپنی جان پر کھیل کر مشکل میں پھنسے شہریوں کو ریلیف دینے پر ریسکیورز کو شاباش دیتے ہیںسیلاب متاثرین تک کھانا، صاف پانی اور ادویات کی فراہم کو یقینی بنایا جارہا ہے ۔

صوبائی وزیر صحت خواجہ سلمان رفیق نے کہا کہ گھروں، لائیو اسٹاک اور فصلوں کے نقصانات کا ڈیٹا بھی اکٹھا کیا جارہا ہے ہسپتالوں ہنگامی صورتحال میں مریضوں کی سہولت کی خاطر الرٹ ہیں۔