Live Updates

اگست میں مہنگائی حکومتی تخمینے سے بھی کم رہی،جولائی کے مقابلے میں شرح 0.6فیصد کم ہوگئی

پیر 1 ستمبر 2025 18:02

لاہور (اُردو پوائنٹ اخبارتازہ ترین - این این آئی۔ 01 ستمبر2025ء)اگست میں مہنگائی وزارت خزانہ کے تخمینے سے بھی کم رہی، جولائی کے مقابلے گزشتہ ماہ مہنگائی کی شرح 0.6فیصد کم ہوگئی، اگست میں مہنگائی بڑھنے کی سالانہ شرح 2.9فیصد رکارڈ کی گئی، وزارت خزانہ نے اگست کے لیے مہنگائی کا تخمینہ 4سے 5فیصد کے درمیان لگایا تھا ۔ادارہ شماریات نے مہنگائی سے متعلق ماہانہ رپورٹ جاری کردی ہے ، اگست 2025ء میں مہنگائی وزارت خزانہ کے تخمینے سے بھی کم رہی، جولائی کے مقابلے اگست میں مہنگائی کی شرح 0.65فیصد کم ہوگئی، اگست میں مہنگائی بڑھنے کی سالانہ شرح 2.99فیصد ریکارڈ کی گئی۔

(جاری ہے)

ادارہ شماریات پاکستان کے مطابق جولائی اور اگست 2025ء کے درمیان اوسط مہنگائی 3.53 فیصد رہی جبکہ جولائی 2025ء میں مہنگائی بڑھنے کی سالانہ شرح 4.07فیصد ریکارڈ کی گئی تھی ۔ادارہ شماریات کے مطابق گزشتہ ماہ دیہات میں ماہانہ بنیاد پرمہنگائی کی شرح میں 0.52فیصد کمی ہوئی جبکہ شہروں میں مہنگائی میں 0.73فیصد کی کمی ہوئی۔ادارہ شماریات کے مطابق گزشتہ ماہ دیہات میں مہنگائی کی سالانہ شرح 2.43 فیصد ریکارڈ کی گئی جبکہ شہروں میں مہنگائی کی سالانہ شرح 3.38فیصد رہی، واضح رہے کہ وزارت خزانہ نے اگست کے لیے مہنگائی کا تخمینہ 4سے 5فیصد کے درمیان لگایا تھا۔