سدا بہار گیتوں کے خالق، فلم رائٹر احمد راہی کو مداحوں سے بچھڑے 23 برس بیت گئے

احمد راہی کو فلمی خدمات کے اعتراف میں صدارتی تمغہ برائے حسن کارکردگی، نگار اور بولان ایوارڈز سے نوازا گیا

منگل 2 ستمبر 2025 11:10

لاہور(اُردو پوائنٹ اخبارتازہ ترین - این این آئی۔ 02 ستمبر2025ء)سیکڑوں سدا بہار گیتوں کے خالق اور فلم رائٹر احمد راہی کو مداحوں سے بچھڑے 23برس بیت گئے۔نامور شاعر، نغمہ نگار اور رائٹر احمد راہی 13 نومبر 1923 میں امرتسر میں پیدا ہوئے، ان کا اصل نام غلام احمد تھا، احمد راہی 1940 میں لاہور آگئے، فلمی کیریئر کا آغاز پنجابی فلم بیلی سے کیا، فلم چھو منتر کے گیت بہت مقبول ہوئے۔

(جاری ہے)

احمد راہی نے مشہور پنجابی فلم ہیر رانجھا کیلئے لازوال گیت لکھے، ان کے لکھے نغمے آج بھی زبان زد عام ہیں۔نامور رائٹر احمد راہی کی دیگر مشہور فلموں میں یکے والی،مرزا جٹ ،چھو منتر، مہندی والے ہتھاور نکی جئی ہاں شامل ہیں، احمد راہی کو فلمی خدمات کے اعتراف میں صدارتی تمغہ برائے حسن کارکردگی، نگار اور بولان ایوارڈز سے نوازا گیا۔فلمی گیتوں کے علاوہ انہوں نے بے شمار لوک گیت بھی لکھے جو بہت مشہور ہوئے جبکہ فلم باجی کی غزل دل کے افسانے زبان زد عام ہوئی۔نامور شاعر، نغمہ نگار اور رائٹر احمد راہی 2 ستمبر 2002 میں مختصر علالت کے بعد لاہور میں انتقال کر گئے تھے۔