ڈوین جانسن دی راک کے نئے روپ نے سب کو حیران کردیا

صارفین کی جانب سے دی راک کے نئے روپ کو کافی پسند کیا جارہا ہے

منگل 2 ستمبر 2025 11:10

نیویارک (اُردو پوائنٹ اخبارتازہ ترین - این این آئی۔ 02 ستمبر2025ء)ہالی ووڈ کے معروف اداکار و سابق ریسلر ڈوین جانسن دی راک کے نئے روپ نے سب کو حیران کردیا، انہوں نے اپنا وزن کافی کم کرلیا ہے۔ڈوین جانسن وینس فلم فیسٹیول میں سب کی توجہ کا مرکز بن گئے، جہاں ان کی نئی فلم’’دی اسمیشنگ مشین‘‘کا عالمی پریمیئر منعقد ہوا۔

(جاری ہے)

سوشل میڈیا پر خاص طور پر ان کے وزن میں نمایاں کمی اور نئے دبلے پتلے روپ نے سب کو حیران کر دیا۔

سامنے آنے والی تصاویر میں جانسن نیلے بٹن اپ شرٹ اور بلیک پینٹ میں اپنی کو اسٹار ایمیلی بلنٹ کے ساتھ نظر آئے۔صارفین کی جانب سے دی راک کے نئے روپ کو کافی پسند کیا جارہا ہے اور سوشل میڈیا پر دلچسپ تبصروں کا سلسلہ جاری ہے، متعدد صارفین نے خدشہ ظاہر کیا کہ یہ تبدیلی صحت کے مسائل کے باعث ہوئی، تاہم کچھ نے کہا کہ یہ زیادہ صحت مند طرزِ زندگی اختیار کرنے کا نتیجہ ہے۔