صدر پاکستان کے سرکاری پورٹریٹ سے قائداعظم کی تصویر غائب

آخر اس حکومت کو قائداعظم محمد علی جناح سے کیا بغض ہے؟ سوشل میڈیا صارفین کا شدید ردعمل

ساجد علی منگل 2 ستمبر 2025 14:56

صدر پاکستان کے سرکاری پورٹریٹ سے قائداعظم کی تصویر غائب

اسلام آباد ( اُردو پوائنٹ اخبارتازہ ترین۔ 02 ستمبر 2025ء ) صدر پاکستان کے سرکاری پورٹریٹ سے بانی پاکستان قائداعظم کی تصویر غائب کردی گئی۔ تفصیلات کے مطابق صحافی رضی طاہر کی جانب سے اس معاملے کی نشاندہی کی گئی، جس کے لیے انہوں نے سوشل میڈیا پلیٹ فارم ایکس پر ایک پوسٹ میں سرکاری ویب سائٹ کا سکرین شاٹ شیئر کیا، جس کے ساتھ کیپشن میں انہوں نے لکھا کہ صدر پاکستان کی سرکاری ویب سائٹ پر، صدر اسلامی جمہوریہ پاکستان کے سرکاری پورٹریٹ میں قائداعظم محمد علی جناح کی تصویر غائب کردی گئی۔

صدر پاکستان کی سرکاری ویب سائٹ پر، صدر اسلامی جمہوریہ پاکستان کے سرکاری پورٹریٹ میں قائداعظم محمد علی جناح کی تصویر غائب کردی گئی۔ pic.twitter.com/kAs5bfQyZ8
— Razi Tahir (@RaziTahirPak) September 2, 2025

سوشل میڈیا صارفین کے علم میں آتے ہی یہ معاملہ فوری طور پر زیر بحث آگیا اور اینکرپرسن ملیحہ ہاشمی نے اس حوالے سے کہا کہ آخر اس حکومت کو قائداعظم محمد علی جناح سے کیا بغض ہے؟ کبھی ان کے نام پر گندی سیاست کر کے بےگناہ لوگوں کو گرفتار کرتے ہیں،کبھی ان کی تصویر لے کر سڑک پر آنے والوں کو ہتھکڑياں لگاتے ہیں اور اب حد یہ ہے کہ قائداعظم کی تصویر ہی غائب کردی جو شرم کا مقام ہے۔

(جاری ہے)

آخر اس حکومت کو قائداعظم محمد علی جناح سے کیا بغض ہے؟ کبھی ان کے نام پر گندی سیاست کر کے بےگناہ لوگوں کو گرفتار کرتے ہیں۔

کبھی ان کی تصویر لے کر سڑک پر آنے والوں کو ہتھکڑياں لگاتے ہیں اور اب حد یہ ہے کہ قائداعظم کی تصویر ہی غائب کر دی۔

شرم کا مقام۔ https://t.co/8VNxBXNyOS
— Maleeha Hashmey (@MaleehaHashmey) September 2, 2025

پاکستان تحریک انصاف کی رہنماء عالیہ حمزہ نے اس پر تنقید کرتے ہوئے سوال اٹھایا کہ یہ مائنس قائداعظم کیوں کرنا چاہتے ہیں؟

یہ مائنس قائد اعظم کیوں کرنا چاہتے ہیں! https://t.co/uIwNfWlsF1
— Aliya Hamza Malik (@aliya_hamza) September 2, 2025

ایک صارف نے طنز کرتے ہوئے لکھا کہ قائد اعظم اگر آج زندہ ہوتے تو وہ بھی غائب ہو جاتے یہ تصویر کیا چیز ہے۔

قائد اعظم اگر آج زندہ ہوتے تو وہ بھی غائب ہو جاتے، یہ تصویر کیا چیز ہے
— Syeda Naqvi 🇵🇰 (@rubab_narjis) September 2, 2025

اسی طرح سید ذیشان علی ہاشمی طنزً کہتے ہیں کہ تو کیا فرق پڑتا ہے ہے کون سا قائد اعظم والا پاکستان ہے اور نہ ہی علامہ اقبال کی تعبیر والا پاکستان ہے، اچھا کیا ہٹادی۔

تو کیا فرق پڑتا ہے ہے کونسا قائد اعظم والا پاکستان ہے ہے آچھا کیا ہٹادی اور نا ہی علامہ اقبال کی تعبیر والا پاکستان ھے ہے۔
— Syed Zeeshan Ali Hashmi (@SyedZee78052780) September 2, 2025