Live Updates

وزیراعلیٰ پنجاب نے مسجد پر اپنی تصویر لگانے کا سخت نوٹس لے لیا

مریم نواز نے ڈپٹی کمشنر منڈی بہاؤالدین سے وضاحت طلب کر لی ہے‘سرزنش بھی کی

بدھ 3 ستمبر 2025 12:15

لاہور(اُردو پوائنٹ اخبارتازہ ترین - این این آئی۔ 03 ستمبر2025ء)وزیراعلیٰ پنجاب مریم نواز شریف نے مسجد پر اپنی تصویر لگانے کا سخت نوٹس لے لیا۔وزیراعلیٰ پنجاب مریم نواز نے ڈپٹی کمشنر منڈی بہاؤالدین سے وضاحت طلب کر لی ہے۔

(جاری ہے)

مریم نواز نے مسجد پر تصویر لگانے پر ڈپٹی کمشنر کی سرزنش کی ہے اور ضلعی انتظامیہ اور سرکاری اداروں کو اپنی تصویر کے حوالے سے ایس او پیز پر عمل کرنے کی ہدایت کی ہے۔خیال رہے کہ منڈی بہاؤالدین میں سیلاب متاثرین کے لئے قائم فلڈ ریلیف کیمپ میں بنائی گئی مسجد کی دیوار پر بینر لگایا گیا تھا جس پر پنجاب حکومت کے لوگو کے سامنے مریم نواز کی تصویر بھی موجود تھی۔تصویر سامنے آنے پر سوشل میڈیا پر صارفین کی جانب سے پنجاب حکومت پر سخت تنقید کی گئی۔