Live Updates

احتجاج کیس، پی ٹی آئی راہنماﺅں و کارکنوں کیخلاف کاروائی کا آغاز

عدالت نے پیش ہونے والے ملزمان کی حاضری لے کر سماعت ملتوی کردی‘ عمران خان اور دیگر کے خلاف آزادی مارچ کیس کی سماعت بھی 17ستمبر تک ملتوی

میاں محمد ندیم بدھ 3 ستمبر 2025 14:13

احتجاج کیس، پی ٹی آئی راہنماﺅں و کارکنوں کیخلاف کاروائی کا آغاز

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔03 ستمبر ۔2025 )پی ٹی آئی رہنماﺅں و کارکنوں کے خلاف احتجاج کے کیس میں عدالت نے غیر حاضر ملزمان کو طلب کرلیا اور 60 ملزمان کے خلاف اشتہاری کی کارروائی شروع کردی انسدادِ دہشت گردی عدالت میں پی ٹی آئی رہنماں اور کارکنان کے خلاف 4 اکتوبر کے احتجاج کے کیس کی سماعت جج طاہر عباس سپرا نے کی، جس میں نامزد 82 ملزمان میں سے صرف 8 کی حاضری لی گئی جب کہ باقی غیر حاضر ملزمان کے لئے دوبارہ طلبی کے نوٹس جاری کر دئیے گئے پی ٹی آئی راہنماﺅں و کارکنوں کیخلاف مقدمے میں عمران خان کی 3 بہنیں بھی نامزد ہیں.

(جاری ہے)

عدالت نے پیش ہونے والے ملزمان کی حاضری کے بعد سماعت ملتوی کر دی پی ٹی آئی رہنماﺅ ں اور کارکنان کے خلاف یہ مقدمہ تھانہ کوہسار میں درج کیا گیا تھا جب کہ تھانہ سنگجانی میں درج مقدمے میں اشتہاری کارروائی کا آغاز کر دیا گیا ہے اس کیس میں سابق سینیٹر اعظم سواتی عدالت میں پیش ہوئے، جب کہ 60 ملزمان کے خلاف اشتہاری کارروائی شروع کر دی گئی. عدالت نے سنگجانی کے مقدمے کی سماعت 3 اکتوبر تک ملتوی کر دی دوسری جانب عمران خان اور دیگر رہنماﺅں کے خلاف آزادی مارچ کیس کی سماعت بھی ہوئی، تاہم وزارتِ قانون کو لکھے گئے خط کا جواب تاحال موصول نہ ہونے پر عدالت نے سماعت 17 ستمبر تک ملتوی کر دی سماعت کے دوران پی ٹی آئی رہنماں اور کارکنان کی جانب سے سردار محمد مصروف خان، آمنہ علی، زاہد بشیر ڈار اور مرتضی طوری پیش ہوئے.