ملک بھر میں سونے کی قیمت میں 6 ہزار روپے فی تولہ اضافہ

بدھ 3 ستمبر 2025 15:30

اسلام آباد (اُردو پوائنٹ اخبارتازہ ترین - اے پی پی۔ 03 ستمبر2025ء) ملک بھر میں سونے کی قیمت میں 6,000 روپے اضافے کے ساتھ فی تولہ سونا 3 لاکھ 76 ہزار 7 سو روپے کا ہوگیا ۔آل پاکستان جیمز اینڈ جیولرز ایسوسی ایشن کے مطابق بدھ کو سونے کی فی تولہ قیمت میں 6,000 روپے اضافے کے بعد فی تولہ سونا 3 لاکھ 76 ہزار 7 سو روپے کا ہوگیا ہے۔

(جاری ہے)

24 قیراط سونے کے 10 گرام کی قیمت بھی 5,144 روپے اضافے کے بعد 317,815 روپے سے بڑھ کر 322,959 روپے ہوگئی جبکہ 10 گرام 22 قیراط سونے کی قیمت 291,341 روپے سے بڑھ کر 296,056 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی کی قیمت 12 روپے اضافے کے بعد 4,315 روپے اور دس گرام چاندی کی قیمت 10 روپے اضافے کے بعد 3,699 روپے ہو گئی۔ ایسوسی ایشن نے رپورٹ کیا ہے کہ بین الاقوامی مارکیٹ میں سونے کی قیمت 3,480 ڈالر سے بڑھ کر 3,540 ڈالر ہو گئی۔

Facebook Twitter Google + Share on Whatsapp

ملک بھر میں سونے کی قیمت میں 6 ہزار روپے فی تولہ اضافہ

متعلقہ عنوان :

مزید تجارتی خبریں