Live Updates

بارش برسانے والا سسٹم آج سندھ میں داخل ہوگا

صوبے کے بیشتر علاقوں میں موسم گرم اور مرطوب رہنے جبکہ کراچی میں موسم جزوی طور پر ابر آلود اور مرطوب رہنے کی توقع ہے،موسمیات

بدھ 3 ستمبر 2025 15:30

کراچی(اُردو پوائنٹ اخبارتازہ ترین - این این آئی۔ 03 ستمبر2025ء)مون سون سسٹم کی کمزور ہوائیں آج(جمعرات) سے سندھ کے جنوب مشرقی علاقوں میں داخل ہوں گی۔نئے مون سون سسٹم سے متعلق محکمہ موسمیات ارلی وارننگ سینٹر نے پیش گوئی کی ہے کہ کل تھرپارکر، عمرکوٹ اور میرپور خاص کے اضلاع میں چند مقامات پر ہلکی بارش کا امکان ہے۔۔

(جاری ہے)

صوبے کے بیشتر علاقوں میں موسم گرم اور مرطوب رہنے کا امکان ہے جبکہ کراچی میں موسم جزوی طور پر ابر آلود اور مرطوب رہنے کی توقع ہے۔کراچی میں آج (جمعرات)مرطوب اور زیادہ تر دھوپ رہنے کا امکان ہے۔سکھر اور کوٹری بیراج میں نچلے درجے کا سیلاب ہے جبکہ گڈو کے مقام پر دریائے سندھ میں 6 سے 7 ستمبر کو انتہائی اونچے درجے کا سیلاب آسکتا ہے۔