کیچ کے علاقہ مند کے مستحق خاندانوں میں سولر سسٹم تقسیم

بدھ 3 ستمبر 2025 20:40

کوئٹہ (اُردو پوائنٹ اخبارتازہ ترین - اے پی پی۔ 03 ستمبر2025ء) رکن صوبائی اسمبلی و پارلیمانی سیکرٹری برائے فشریز معتبر حاجی برکت رند نےکیچ کے علاقہ مند کے مستحق خاندانوں میں سولر سسٹم تقسیم کیے۔ یہ اقدام محکمہ اربن اینڈ ڈویلپمنٹ اور محکمہ انرجی کے تعاون سے اور ایم پی اے فنڈز کے تحت عمل میں لایا گیا۔ اس سلسلے کے تقریب میں مسلم لیگ (ن) ضلع کیچ کے صدر حاجی سلمان برکت رند، کاروباری شخصیت حاجی ارشاد ٹھنڈائی سمیت دیگر معززین بھی شریک تھے ۔

تقریب سے خطاب کرتے ہوئے رکن صوبائی اسمبلی حاجی برکت رند نے کہا کہ مند ایک پسماندہ علاقہ ہے جو شدید بجلی بحران کا شکار ہے۔ گھریلو صارفین سے لے کر کاروباری طبقے تک سب ہی متاثر ہیں۔ ان حالات کو مدنظر رکھتے ہوئے سولر سسٹم اسکیم کا آغاز کیا گیا تاکہ غریب اور مستحق گھرانوں کو ریلیف فراہم کیا جا سکے۔

(جاری ہے)

انہوں نے کہا کہ اس اقدام میں وزیراعلیٰ بلوچستان میر سرفراز بگٹی نے بھی بھرپور تعاون کیا ہے تاکہ عوامی مسائل کم ہوں مستفید ہونے والے شہریوں نے خوشی کا اظہار کرتے ہوئے کہا کہ سولر پینلز، بیٹری، انورٹر،پنکھا اور لائٹس بمعہ وائر مکمل سیٹ کی فراہمی ان کے لیے روشنی کی نئی کرن ہے۔

انہوں نے کہا کہ بجلی کی طویل لوڈشیڈنگ نے زندگی اجیرن بنا رکھی تھی لیکن اب گھریلو ضروریات کے ساتھ ساتھ بچوں کی تعلیم بھی بہتر طور پر جاری رہ سکے گی ۔تقریب سے مقامی بزرگ شخص نے کہا کہ اس سے گھریلو زندگی آسان ہو جائے گی۔

Facebook Twitter Google + Share on Whatsapp

کیچ کے علاقہ مند کے مستحق خاندانوں میں سولر سسٹم تقسیم

متعلقہ عنوان :

مزید قومی خبریں