400 روپے تو مزدور کی دیہاڑی نہیں ہے ، ہمیں ڈیلی الاؤنس دینے کا کہا جا رہا ہے

جمعرات 4 ستمبر 2025 12:17

لاہور(اُردو پوائنٹ اخبارتازہ ترین - این این آئی۔ 04 ستمبر2025ء) پاکستان ہاکی ٹیم کے کھلاڑیوں نے شکوہ کیا ہے کہ 400 روپے کے ڈیلی الاؤنس کی بات کرنا زخموں پر نمک چھڑکنا ہے۔

(جاری ہے)

کھلاڑیوں کی جانب سے کہا گیا ہے کہ 400 روپے تو مزدور کی دیہاڑی نہیں ہے، ہمیں ڈیلی الاؤنس دینے کا کہا جا رہا ہے، یہ ہماری بے عزتی ہے، اس سے بڑھ کر آپ کسی کی کیا بے قدری کریں گے۔انہوں نے کہا کہ روزگار ہے نہیں، ڈیلی الاؤنس پہلے بھی وقت پر نہیں ملتا اب 400 روپے کی بات کی جا رہی، اگر یہی حالات رہے تو ہاکی چھوڑنے پر مجبور ہوں گے۔ان کا کہنا تھا کہ ملک نے ہمیں بہت کچھ دیا، ملک کی وجہ سے سب کچھ ہے، لیکن 400 روپے کا سن کر دکھ ہوا، کھلاڑیوں کے گھروں کے چولہے ٹھنڈے پڑ رہے ہیں اور ہمارے ڈیلی الاؤنس کی سب کو تکلیف ہے۔