ترک صدر نے نیتن یاہو کو دنیا کا ظالم ترین انسان قرار دے دیا

ترکیہ فلسطین میں نیتن یاہوکے ظلم پر خاموش نہیں رہے گا،عید میلادالنبیﷺ کی افتتاحی تقریب سے خطاب

جمعہ 5 ستمبر 2025 16:35

انقرہ(اُردو پوائنٹ اخبارتازہ ترین - این این آئی۔ 05 ستمبر2025ء)ترک صدر نے نیتن یاہو کو دنیا کا ظالم ترین انسان قرار دے دیا۔ترک صدررجب طیب اردگان نے انقرہ میں عید میلادالنبیﷺ کی افتتاحی تقریب سے خطاب کرتے ہوئے کہا کہ ترکیہ فلسطین میں نیتن یاہوکے ظلم پر خاموش نہیں رہے گا، ہم فلسطین کی تکالیف پر خاموش تماشائی نہیں بن سکتے، آدھا دل یہاں ہے باقی غزہ، فلسطین، یمن، سوڈان اور افغانستان میں ہے۔

(جاری ہے)

طیب اردگان کا کہنا تھا کہ اسلامی دنیا کے زخم مسلسل لہو لہو ہیں، تمام مسلمانوں کو ایک جسم کا حصہ سمجھتے ہیں، ناامید نہیں اور نہ ہوں گے، ظلم و ناانصافی کے باوجود مایوسی کے آگے نہیں جھکیں گے