وزیراعلیٰ جلالپور جٹاں کے نواحی علاقے شہباز پور فلڈ ریلیف ٹینٹ سٹی پہنچ گئیں، سیلاب متاثرہ خاندانوں سے ملاقات

لاہور(اُردو پوائنٹ اخبارتازہ ترین - این این آئی۔ 05 ستمبر2025ء)وزیراعلیٰ پنجاب مریم نواز شریف جلالپور جٹاں کے نواحی علاقے شہباز پور فلڈ ریلیف ٹینٹ سٹی پہنچ گئیں۔وزیراعلیٰ مریم نواز شریف نے ٹینٹ سٹی میں سیلاب متاثرہ خاندانوں سے ملاقات کی۔وزیراعلیٰ مریم نواز شریف نے خواتین اور بچوں کو تحائف پیش کیے۔وزیراعلیٰ مریم نواز شریف نے ٹینٹ کے اندر بیٹھ کر ننھی بچی اور اس کی والدہ سے بات چیت کی اور کمسن بچی نے وزیراعلیٰ کو دیکھ کراظہار مسرت کیا۔

وزیراعلیٰ مریم نواز شریف نے ننھی بچی کو پیار کیا اور تحائف پیش کیے۔وزیراعلیٰ مریم نواز شریف نے ٹینٹ سٹی میں کھانا، ادویات، صفائی اور دیگر سہولیات کے بارے میں دریافت کیا۔ذیابیطس کی بزرگ خاتون مریضہ کو شوگر چیک اپ کیلئے خود وزیراعلیٰ مریم نواز شریف فیلڈ ہسپتال لیکر کر گئیں۔

(جاری ہے)

وزیراعلیٰ مریم نواز شریف نے ذیابیطس کی مریضہ کو انسولین، گلوکو میٹر اور دیگر ضروری اشیا ء فراہم کرنے کی ہدایت کی ہے۔

وزیراعلیٰ مریم نوا زشریف نے سیلاب سے گھرمسمار ہونے پر آبدیدہ نوجوان کو تسلی دی، گھر بنانے میں پوری معاونت کی یقین دہانی کی۔وزیر اعلیٰ مریم نواز شریف نے معمر شخص کو بھینس سیلاب میں بہہ جانے پر بھی دلاسہ دیااود نقصان پورا کرنے کا یقین دلایا۔ وزیراعلیٰ مریم نواز شریف نے ٹینٹ سٹی میں متاثرہ خاندانوں سے بات چیت کی۔وزیراعلیٰ مریم نوازشریف نے کہا کہ سروے شروع ہورہا ہے، ازالہ کریں گے۔

آبی گزرگاہوں کے علاوہ دیگر مقامات پر گھر بھی بنا کر دیں گے۔ سیلاب متاثرین کوپینے کا صاف پانی، کھانا اور مویشیوں کو چارہ فراہم کیاجارہا ہے۔ لوگ جہاں جہاں بیٹھے ہیں،وہاں ٹینٹ لگا کر دیئے جائیں، کھانا اور دیگرضروریات فراہم کی جائے۔ تھرمل امیجنگ ٹیکنالوجی کے استعمال سے جانیں بچانے پر خوشی ہے، عوام کی خدمت کا جذبہ قابل تحسین ہے۔

وزیراعلیٰ مریم نواز شریف نے سیلاب متاثرین سے گفتگوکرتے ہوئے کہا کہ فکر نہیں کرنی میں آپ کے ساتھ ہوں۔وزیراعلیٰ مریم نواز شریف نے شہباز پور پل کا بھی دورہ کیا۔وزیراعلیٰ مریم نواز شریف نے ''کلینک آن بوٹس'' کا بھی معائنہ کیا۔وزیراعلیٰ مریم نواز شریف نے ''کلینک آن بوٹس'' پراجکٹ کو سراہا۔وزیراعلیٰ مریم نواز شریف نے سرویلنس پر ریسکیو فیلڈ ٹیموں کو مبارکباد دی اور ان کی خدمات کو سراہا۔

وزیراعلیٰ مریم نواز شریف نے ریسکیو اہلکاروں کو انعام دینے کے اعلان بھی اعادہ کیا۔وزیراعلیٰ مریم نواز شریف نے دریامیں ریسکیو بوٹس کے سکواڈ کو سراہا اور شاباش دی۔وزیراعلیٰ مریم نواز شریف نے سیف سٹی تھرمل امیجنگ ڈرون کا بھی معائنہ کیا۔ اس موقع پر بتایا گیا کہ ضلع گجرات میں 24 تھرمل امیجنگ ڈرون سیلابی علاقے میں ڈیجیٹل سرویلنس کررہے ہیں۔ڈیجیٹل تھرمل امیجنگ کی مدد سے سیلابی ریلوں میں پھنسے ہوئے 55 لوگوں اور57 مویشیوں کو بحفاظت ریسکیو کیا گیا۔