افغانستان میں زلزلہ متاثرین کے لیے شاہ سلمان مرکز کی امدادی مہم شروع

ہفتہ 6 ستمبر 2025 09:00

کابل (اُردو پوائنٹ اخبارتازہ ترین - اے پی پی۔ 06 ستمبر2025ء) شاہ سلمان امدادی و فلاحی مرکز کی جانب سے افغانستان کے صوبہ کنڑ میں زلزلے کی تباہ کاریوں سے متاثر ہونے والوں کے لیے امدادی مہم کا آغاز کر دیا گیا ہے۔

(جاری ہے)

سعودی خبررساں ادارے ’ایس پی اے‘ کے مطابق شاہ سلمان مرکز کی جانب سے شروع کی جانے والی امدادی مہم کا افتتاح افغانستان میں سعودی عرب کے سفیر فیصل البقمی نے کیا ان کے ہمراہ افغانی ہلال الاحمر کے سربراہ شھاب الدین دلاور اور دیگر اہلکار بھی موجود تھے۔

امدادی مہم کے آغاز میں زلزلہ متاثرین میں 3 ہزار غذائی پیکٹس تقسیم کیے جائیں گے جن کا مجموعی وزن 21,1500 ٹن ہے۔اس موقع پر خطاب کرتے ہوئے افغانستان میں سعودی عرب کے سفیر نے زلزلے میں ہونے والی تباہ کاریوں پر افسوس اور ہمدردی کا اظہار کرتے ہوئے ہلاک ہونے والوں کی مغفرت اور زخمی ہونے والوں کی جلد صحتیابی کے لیے دعا کی ۔