Live Updates

پاکستان 12 اکتوبر سے جنوبی افریقہ کے خلاف آئی سی سی ورلڈ ٹیسٹ چیمپئن شپ کی میزبانی کرے گا

پی سی بی کے مطابق سیریز کے دوران لاہور اور راولپنڈی میں دو ٹیسٹ میچز کھیلے جائیں گے

اتوار 7 ستمبر 2025 12:50

راولپنڈی(اُردو پوائنٹ اخبارتازہ ترین - این این آئی۔ 07 ستمبر2025ء)پاکستان 12 اکتوبر سے جنوبی افریقہ کے خلاف آئی سی سی ورلڈ ٹیسٹ چیمپئن شپ کی میزبانی کرے گا۔ پی سی بی کے مطابق سیریز کے دوران لاہور اور راولپنڈی میں دو ٹیسٹ میچز کھیلے جائیں گے۔ پہلا ٹیسٹ 12 سے 16 اکتوبر تک لاہور میں شیڈول ہے جبکہ دوسرا ٹیسٹ 20 سے 24 اکتوبر تک راولپنڈی میں کھیلا جائے گا۔

ٹیسٹ میچز کے بعد تین ٹی 20 انٹرنیشنل میچوں کی سیریز کا آغاز 28 اکتوبر سے ہو گا جو یکم نومبر تک جاری رہے گی۔

(جاری ہے)

پہلا ٹی 20 راولپنڈی میں ہو گا جبکہ بقیہ دونوں میچ لاہور میں شیڈول ہیں۔فیصل آباد طویل عرصے بعد ایک بار پھر ون ڈے انٹرنیشنل کرکٹ کی میزبانی کرے گا۔ جنوبی افریقہ اور پاکستان کے درمیان تین میچوں پر مشتمل ون ڈے سیریز 4 سے 8 نومبر تک فیصل آباد میں کھیلی جائے گی۔ یہ 17 برس بعد شہر میں پہلا ون ڈے انٹرنیشنل ہو گا۔ چیف آپریٹنگ آفیسر پی سی بی سمیر احمد سید نے کہا کہ پاکستان اور جنوبی افریقہ کے درمیان سیریز شائقین کو معیاری کرکٹ دیکھنے کا موقع فراہم کرے گی۔ انہوں نے فیصل آباد میں 17 برس بعد ون ڈے انٹرنیشنل کی واپسی کو ایک تاریخی لمحہ قرار دیا۔