Live Updates

ٌجنوبی افریقہ کا دورہ پاکستان: شیڈول جاری، 17 سال بعد فیصل آباد میں انٹرنیشنل میچز کی واپسی

اتوار 7 ستمبر 2025 18:00

ظ*لاہور(اُردو پوائنٹ اخبارتازہ ترین - آن لائن۔ 07 ستمبر2025ء)پاکستان کرکٹ بورڈ (پی سی بی) نے جنوبی افریقہ کے خلاف آل فارمیٹ سیریز کے میچز کے شیڈول کردیا۔پاکستان اور جنوبی افریقہ کے درمیان پہلا ٹیسٹ میچ قذافی سٹیڈیم لاہور میں 12 اکتوبر کو کھیلا جائے گا اور دوسرا ٹیسٹ میچ 20 اکتوبر کو راولپنڈی میں شیڈول ہے۔

(جاری ہے)

ٹیسٹ میچز کی سیریز کے بعد تین ٹی 20 انٹرنیشنل میچز پر مشتمل سیریز کا پہلا میچ 28 اکتوبر کو پنڈی اور بقیہ دو میچز 31 اکتوبر اور یکم نومبر کو لاہور میں کھیلے جائیں گے۔

فیصل آباد 17 برس بعد ون ڈے انٹرنیشنل میچ کی میزبانی کرے گا جہاں جنوبی افریقہ سے تین ون ڈے میچز کی سیریز 4 تا 8 نومبر تک کھیلی جائے گی۔واضح رہے کہ پاکستان 12 اکتوبر سے جنوبی افریقہ کے ساتھ آئی سی سی ورلڈ ٹیسٹ چیمپئن شپ کی میزبانی کرے گا۔اس بارے میں چیف آپریٹنگ افیسر پی سی بی سمیر احمد سید کا کہنا ہے کہ فیصل آباد میں 17 برس بعد ون ڈے انٹرنیشنل کی واپسی تاریخی لمحہ ہے، دونوں ملکوں کے درمیان یہ سیریز معیاری کرکٹ لائے گی۔