اللہ عزوجل نے خاتم الانبیا حضرت محمد مصطفی ﷺ کا ذکر بلند کیا اور آپ کو تمام عالمین کیلئے رحمت بنا کر بھیجا،محمد شاداب رضا نقشبندی

کراچی(اُردو پوائنٹ اخبارتازہ ترین - این این آئی۔ 07 ستمبر2025ء)پاکستان سنی تحریک کا عظیم الشان میلاد جلوس مرکز اہلسنت سے سربراہ PSTمحمد شاداب رضا نقشبندی کی قیادت میں نمائش (نورانی)چورنگی پہنچا،میلاد جلوس کے شرکا نے فضاکو نعرہ تکبیر اللہ اکبر،نعرہ رسالت یارسول اللہ،تاجدار ختم نبوت ﷺزندہ کے نعروں سے معطر کردیا،شرکا جلوس سے خطاب کرتے ہوئے سربراہ پاکستان سنی تحریک محمد شاداب رضا نقشبندی نے کہا کہ اللہ عزوجل نے خاتم الانبیا حضرت محمد مصطفی ﷺ کا ذکر بلند کیا اور آپ کو تمام عالمین کیلئے رحمت بنا کر بھیجا، ایمان کی معراج نبی کریم ﷺ سے عشق ومحبت ہے،کائنات کی ہر شہ سے بڑھ کر نبی کریم ﷺ سے محبت کرنا میلاد ہے،میلاد مصطفی ﷺ منانا اللہ کی وحدانیت کی دلیل اور عشق رسول کی علامت ہے،حضور اکرم ﷺ اللہ عزوجل کا فضل رحمت اور نعمت ہیں فضل نعمت اور رحمت کے ملنے پر قرآنی حکم ہے کہ خوشیاں منائی جائیں اور رب کی نعمت کا خوب خوب چرچا کیا جائے،پاکستان اسلام کے نام پر معرض وجود میں آیا لیکن افسوس یہاں نظام مصطفی ﷺ کا نفاذ نہیں ہوسکا،نظام مصطفی ﷺ کے نفاذ سے ہی پاکستان بلندیوں کی طرف جائیگا انصاف عام ہوگا ظالموں کو فوری سزا ہوگی، پاکستان میں سیکولر ولبرل ازم سمیت تمام نظام ناکام ہوچکے ہیں،نظام مصطفی کا نفاذ تمام مسائل کا حل اور ملک کی ترقی کی ضمانت ہے،اتحاد ویکجہتی کی طاقت سے اسلام وملک دشمن قوتوں کی سازشوں کو ناکام اور شکست دی جاسکتی ہے،پاکستان سنی تحریک کا مرکزی میلاد جلوس نمائش چورنگی پہنچا تو استقبالیہ کیمپ پر میلاد جلوس کے شرکا پر پھولوں کی پتیاں نچھاور کرکے استقبال کیا گیا استقبالیہ کیمپ پر خطاب کرتے ہوئے نائب سربراہ محمد شاہد غوری نے کہا کہ ملک میں اسلامی نظام کے نفاذ کی جدوجہد سے کسی صورت پیچھے نہیں ہٹیں گے،مظلوم غریب عوام کو انصاف،حقوق اور صحت کی سہولیات کی فراہمی کو یقینی بنائیں گے،قائد ملت اسلامیہ کو خراج عقیدت پیش کرتے ہیں کہ طویل جدوجہد کے بعد قادیانیوں کو پاکستان کی دستور ساز اسمبلی سے غیر مسلم قرار دلوایا، دین اسلام امن وسلامتی احترام انسانیت کا درس دیتا ہے،ہمیں فرقہ واریت کو ختم کرنے کیلئے اسلام کی اصل روح پر چلنا ہوگا،دین اسلام میں بگاڑ اور فرقہ واریت پھیلانے والے یہود ونصاری کے ایجنڈے پر گامزن ہیں،دورود وسلام کی صداں سے فضا کو معطر اور ملک کو امن کا گہوارہ بنانا ہوگا،اس موقع پر نائب سربراہ محمدشاہد غوری مرکزی رہنماں فہیم الدین شیخ،محمد آفتاب قادری محمد شہزاد قادری،محمد مبین قادری،محمد سلیم قادری مرکزی رابطہ کمیٹی ارکان غلام مرتضی قادری،ظہیر الحسن قادری،کراچی امیر محمد فرقان قادری،نائب امیر فرحان راجپوت،نائب امیر عارف منصوری،صاحبزادہ بلال رضا بھٹی ارکان کراچی رابطہ کمیٹی اور جید علما کرام بھی موجود تھے،محمد شاہد غوری نے عالم اسلام کو جشن ولادت رسول ﷺ کی مبارک باد دیتے ہوئے کہا کہ آج ہر گھر گلی محلے میں سبز پر چم لہرارہے ہیں،چراغاں ہورہا ہے اور برقی قمقموں سے سجاوٹ اور دورود وسلام کی صداں سے فضا معطر ہے،انہوں کا کہنا تھا کہ سرکار دوعالم وجہ تخلیق کائنات ہیں،دین اسلام دنیا کا واحد مذہب ہے جو تمام مذاہب کو تحفظ دیتا ہے،انہوں نے کہا کہ عید میلاد النبی ﷺ نفرتوں کو ختم اور محبتوں کو عام کرنے کا درس دیتی ہے،اسلام کے حقیقی فلسفے پر چل کر ہی انتہاپسندی کو ختم اور ملک کو ترقی کی جانب گامزن کیا جاسکتا ہے،اہلسنت میلاد منانے والے اور بانیان پاکستان کی اولاد ہیں،پاکستان کی سلامتی واستحکام کیلئے جدوجہد کرتے رہینگے۔