-عوام سے پرزور اپیل کی ہے کہ وہ آج کی ہڑتال کو کامیاب بنائیں، رہنماء آل پارٹیز ہزارہ

ی*کوئٹہ (اُردو پوائنٹ اخبارتازہ ترین - آن لائن۔ 07 ستمبر2025ء) آل پارٹیز ہزارہ کے رہنمائوں نے عوام سے پرزور اپیل کی ہے کہ وہ آج کی ہڑتال کو کامیاب بنائیں اور اپنے اتحاد و یکجہتی سے یہ واضح پیغام دیں کہ دہشت گردی کے خلاف قوم ایک ہے اور کسی قربانی سے دریغ نہیں کرے گی۔ رہنماں نے کہا کہ یہ ہڑتال نہ صرف شہدا کے ساتھ اظہار یکجہتی ہے بلکہ حکمرانوں اور پالیسی سازوں کو یہ باور کرانے کا موقع بھی ہے کہ عوام مزید خونریزی اور امن دشمن قوتوں کو برداشت کرنے کیلئے تیار نہیں۔

رہنماں نے کہا کہ 2 ستمبر کو شاہوانی سٹیڈیم سریاب روڈ پر راہشون سردار عطا اللہ خان مینگل کی برسی کے بعد جلسہ گاہ کے باہر ایک دہشت گردانہ خودکش حملہ ہوا جس کے نتیجے میں 17 سے زائد قیمتی جانیں ضائع ہوئیں جبکہ 40 سے زیادہ معصوم لوگ زخمی ہوئے۔

(جاری ہے)

انہوں نے کہا کہ یہ سانحہ محض متاثرہ خاندانوں کا المیہ نہیں بلکہ پورے معاشرے کے زخم پر نمک پاشی کے مترادف ہے، اس سفاکانہ واقعے کی جتنی مذمت کی جائے کم ہے اور آل پارٹیز ہزارہ شہدا کے لواحقین کے دکھ میں برابر کی شریک ہے۔

یہ بات بلوچستان نیشنل پارٹی کے ضلعی کونسلر نعمت مظہر ہزارہ، نیشنل پارٹی کے ممبر سینٹرل کمیٹی ڈاکٹر رمضان ہزارہ، مجلس وحدت المسلمین کے رہنما حاجی غلام حسین، مرکزی تنظیم تاجران بلوچستان کے ترجمان کاشف حیدری، پشتونخواہ ملی عوامی پارٹی ہزارہ ٹان کے سیکرٹری عبدالعزیز اچکزئی، ہزارہ ورکزز فورم کے رہنما ایڈوکیٹ محمود کاظمی، اتحاد تاجران بلوچستان ہزارہ ٹان یونٹ کے صدر محمدی، پی ٹی آئی کے رہنما اختر جعفری، نیشنل پارٹی کے ثنا کھیازئی و دیگر رہنماں نے منعقدہ اجلاس سے خطاب کرتے ہوئے کہی۔

اجلاس میں شرکا نے کہا کہ آج بروز سوموار کوئٹہ سمیت صوبے بھر میں کاروباری مراکز، مارکیٹیں اور تجارتی سرگرمیاں بند رہیں گی تاکہ شہدا کی قربانیوں کو خراج عقیدت پیش کیا جا سکے۔ انہوں نے کہا کہ ہڑتال کا مقصد عوامی اتحاد کو اجاگر کرنا ہے تاکہ حکمران اور ادارے سنجیدگی کے ساتھ اس دہشت گردی کے خاتمے کیلئے عملی اقدامات کریں۔ رہنماں نے کہا کہ آل پارٹیز ہزارہ ہمیشہ امن و بھائی چارے کی داعی رہی ہیں اور آئندہ بھی اپنی صفوں میں اتحاد قائم رکھ کر ہر مشکل گھڑی میں عوام کے شانہ بشانہ کھڑے رہیں گے۔

انہوں نے مزید کہا کہ ہزارہ قوم سمیت تمام مظلوم عوام پر یہ واضح ہونا چاہیے کہ مسائل کے حل اور پائیدار امن کے قیام کیلئے متحد ہونا ہی واحد راستہ ہے۔ اجلاس کے شرکا نے کہا کہ آج کی ہڑتال ایک علامتی احتجاج نہیں بلکہ آنے والے وقت کیلئے ایک اجتماعی فیصلہ ہے کہ اب مزید خاموشی اختیار نہیں کی جائے گی۔ انہوں نے تاجروں سے پرزور اپیل کی کہ 8 ستمبر کو ہونے والی شٹر ڈان ہڑتال کو کامیاب بنائیں اور بھرپور اتحاد و یکجہتی کا مظاہرہ کریں تاکہ یہ اجتماعی آواز حکمرانوں کے ایوانوں تک پہنچے اور عوام کو ان کے بنیادی حقوق اور تحفظ فراہم کرنے کیلئے عملی اقدامات کئے جائیں۔