امریکی فیڈرل ایوی ایشن اتھارٹی نے سی اے اے کا سیفٹی آڈٹ شروع کردیا

پیر 8 ستمبر 2025 23:26

اسلام آباد(اُردو پوائنٹ اخبارتازہ ترین - این این آئی۔ 08 ستمبر2025ء)پاکستان سے امریکا کے لیے براہ راست پروازوں کے امکانات روشن ہونے لگے، امریکی فیڈرل ایوی ایشن اتھارٹی کی پانچ رکنی ٹیم نے سی اے اے کا سیفٹی آڈٹ شروع کردیا۔

(جاری ہے)

ذرائع کے مطابق امریکی فیڈرل ایوی ایشن اتھارٹی سی اے اے کے مختلف شعبوں کی جانچ پڑتال کرے گی، سیفٹی آڈٹ سے پاکستان سول ایوی ایشن کی کیٹیگری اپ گریڈ کرنے میں مدد ملے گی۔

سیفٹی آڈٹ میں کامیابی کی صورت میں براہ راست پروازوں کی بحالی بھی ہو سکے گی۔ ذرائع نے بتایا کہ اس وقت پاکستان کی امریکا میں کیٹیگری 2 ہے، جعلی لائسنس پائلٹس اسکینڈل سامنے آنے پر ایف اے اے نے سی اے اے کی کیٹیگری ون سے ڈاؤن گریڈ کر کے 2 کیا تھا۔ امریکی فیڈرل ایوی ایشن اتھارٹی کی پانچ رکنی ٹیم سیفٹی آڈٹ مکمل کر کے 12 ستمبر کو پاکستان سے واپس امریکا روانہ ہوگی۔