1965کی جنگ میں پاک بحریہ نے جرات، بہادری اور فرض شناسی کی نئی تاریخ رقم کی، گورنر سندھ

پیر 8 ستمبر 2025 22:00

کراچی (اُردو پوائنٹ اخبارتازہ ترین - اے پی پی۔ 08 ستمبر2025ء) گورنر سندھ کامران خان ٹیسوری نے یوم بحریہ پراپنے پیغام میں کہا ہے کہ 1965کی جنگ میں پاک بحریہ نے جرات، بہادری اور فرض شناسی کی نئی تاریخ رقم کی۔پیر کو گورنر ہائوس سے جاری اعلامیہ کے مطابق انہوں نے کہا کہ آپریشن سومناتھ دشمن کے لیے خوف اور پاکستانی قوم کے لیے فخر کی علامت ہے۔

(جاری ہے)

انہوں نے کہا کہ آج پاک بحریہ جدید، باصلاحیت اور کثیرالجہتی فورس کے طور پر سمندری سرحدوں کی حفاظت کر رہی ہے۔

گورنر سندھ نے مزید کہا کہ پاک بحریہ آبدوزوں، جنگی جہازوں، میرین آپریشنز اور جدید ٹیکنالوجی سے لیس ہے، تجارتی راستوں کے تحفظ اور عالمی امن مشنز میں پاک بحریہ کا کردار نمایاں ہے۔انہوں نے کہا کہ قوم اپنے شہداء اور غازیوں کی قربانیوں پر فخر کرتی ہے۔ گورنر سندھ نے کہا کہ یومِ بحریہ اس عزم کی تجدید ہے کہ قوم اپنی افواج کے ساتھ شانہ بشانہ کھڑی ہے۔