بھان سعید آباد کے قریب دائم شاخ آر ڈی 35 پر بڑا شگاف پڑ گیا

پکے کے متعدد دیہات پانی کی لپیٹ میں آنے کا خدشہ ہے، اطلاع کے باوجود ایریگیشن عملا جائے وقوعہ پر نہیں پہنچ سکا

منگل 9 ستمبر 2025 11:59

کراچی (اُردو پوائنٹ اخبارتازہ ترین - این این آئی۔ 09 ستمبر2025ء)سیہون میں بھان سعید آباد کے قریب دائم شاخ آر ڈی 35 پر بڑا شگاف پڑ گیا، پانی کے دباؤ سے شگاف چوڑا ہو کر 50 فٹ تک بڑھ گیا۔ذرائع محکمہ انہار کے مطابق مقامی افراد کی اپنی مدد آپ کے تحت شگاف بند کرنے کی کوشش جاری ہے۔

(جاری ہے)

اہل علاقہ کا کہنا ہے کہ پکے کے متعدد دیہات پانی کی لپیٹ میں آنے کا خدشہ ہے، اطلاع کے باوجود ایریگیشن عملا جائے وقوعہ پر نہیں پہنچ سکا ہے۔شگاف بند کروانے کے لیے اہل علاقہ کی جانب سے متعدد کالز کی گئی، مگر ایریگیشن انجینئر فون نہیں اٹھا رہے۔اہل علاقہ نے انتظامیہ سے اپیل کی ہے کہ شگاف بند نہ ہوا تو متعدد دیہات ڈوب جائیں گے۔