نیلم ،صحت عامہ کی ٹیمیں فیکس سائیٹ ، سکولوں میں جاکر 9 سے 14 سال کی بچیوں کوویکسین لگائیں گی

نیلم(اُردو پوائنٹ اخبارتازہ ترین - این این آئی۔ 09 ستمبر2025ء)ڈسٹرکٹ ہیلتھ آفیسر ڈاکٹر غلام نبی مغل کی زیر صدارت CSP کے زیر اہتمام سرویکل کینسر سے بچائو کی قومی ویکسی نیشن مہم بارے آگاہی سیشن کاانعقاد کیاگیا۔ HPVویکسی نیشن مہم آگاہی سیشن میںصحت عامہ کے متعلق آفیسران / اہلکاران اور فیلڈ سٹاف نے کثیر تعداد میں شرکت کی ۔ ڈسٹرکٹ ہیلتھ آفیسر ڈاکٹر غلام نبی نے آگاہی سیشن سے خطاب کرتے ہوئے کہاکہ (ہیومن پیپیلوما وائرس )انسداد سرویکل12 روزہ مہم رواں ماہ کی 15سے 27ستمبر2025 تک جاری رہے گی ۔

صحت عامہ کی ٹیمیں فیکس سائیٹ ، سکولوں میں جاکر 9 سے 14 سال کی بچیوں کوویکسین لگائیں گی ۔ اس مہم کے دوران پاکستان میں پہلی بار 9 سے 14 سال کی بچیوں کو ایچ پی وی (HPV) ویکسین لگائی جائے گی۔

(جاری ہے)

ڈاکٹر غلام نبی مغل کے مطابق یہ ویکسین بچہ دانی کے کینسر (سرویکل کینسر) سے بچاؤ کے لیے مؤثر ہے۔ پاکستان دنیا کا 148واں ملک ہے جہاں یہ ویکسین فراہم کی جا رہی ہے۔

مہم کے دوران یونین کونسلز، سکولوں اور ہسپتالوں میں ویکسی نیشن کی سہولت فراہم کریں گی۔ حکام کے مطابق یہ دنیا کی پہلی ویکسین ہے جو کینسر کے خلاف مؤثر تحفظ فراہم کرتی ہے اور مستقبل میں بچیوں کو مہلک مرض سے محفوظ رکھے گی۔ایچ پی وی ویکسین محفوظ اور حلال ہے ۔ والدین بچیوں کے محفوظ اور صحت مند مستقبل کیلئے ملکی سطح پر رائج ویکسین لگوائیںتاکہ محفوظ اور صحت مند معاشرے کی بنیاد قائم رہے ۔

سرویکل کیسنر سے بچائو کی مہم بارے آگاہی سیشن کااہتمام CSPنے کیاتھا۔ اس موقع پر ایم ایس ڈسٹرکٹ سپتال آٹھ مقام ڈاکٹر سردار سجاد مغل،گائناکالوجسٹ زاہدہ یونس ، فوکل پرسن برائے کمیونیکشن اسسٹنٹ ڈائریکٹرEPIسید مبشر گیلانی،ڈسٹرکٹ کوارڈی نیٹر CSP خواجہ لشکر حسین آزاد ودیگر ماہرین نے صحت عامہ نیلم کے آفیسران / اہلکاران اور ہیلتھ کے فیلڈ سٹاف لیڈی ہیلتھ ورکز ، سپروائز ، ہیلتھ سپروائزر سمیت مختلف مراکزصحت میں تعینات خواتین ملازمین کو رواں ماہ 15 سے 27 ستمبر 2025 تک جاری رہنے والی ویکسی نیشن مہم بارے آگاہ کیا ۔

سرویکل کینسر سے بچائو کی ویکسین مہم میں 9سے 14 سال تک کی لڑکیوں کو سکولوں، مدارس اور فیکس سائیٹ پر ویکسین (انجکشن ) لگائے جائیں گئے ۔مقررین نے کہاکہ ماضی میں بھی پیچیدہ بیماریوں کے تدارک کے لیے ویکسین مہم ہی کارآمد ثابت ہوئی ہیں ۔ ایچ پی وی ویکسین مہم دنیا بھر کے دیگر ممالک باالخصوص سعودی عرب میں بھی ہوچکی ہے ۔رواں ماہ میں پاکستان وآزادکشمیر بھی قومی جوش وجذبہ کیساتھ محفوظ مستقبل کیلئے فری ویکسی نیشن مہم چلائی جارہی ہے ۔

ڈسٹرکٹ ہیلتھ آفیسر ڈاکٹر غلام نبی کاکہنا تھا کہ محکمہ تعلیم سکولوں میں آگاہی سیشن کے زریعے اور میڈیا کے ذریعے والدین تک اس قومی پیغام کو پہنچائیں تاکہ بروقت سرویکل کیسنر سے بچائو کی ویکسین لگائی جائے گی ۔ انہوں نے کہاکہ مستقبل قریب میں ایچ پی وی ویکسین کو روٹین میں شامل کرتے ہوئے بچیوں کو حفاظتی ویکسین لگانے کااہتمام کیاجائیگا۔

تمام اداروں کے ممنون ہیں جو عوام تک اس قومی مہم کوپہنچانے میں کارآمد ثابت ہورہے ہیں۔ ایم ایس ڈسٹرکٹ سپتال آٹھ مقام ڈاکٹر سردار سجاد مغل،گائناکالوجسٹ زاہدہ یونس ، فوکل پرسن اسسٹنٹ ڈائریکٹرEPIسید مبشر گیلانی،ڈی ایف سی خواجہ ضیائوالدین،ڈسٹرکٹ کوارڈی نیٹر CSP خواجہ لشکر حسین آزاد،ADCفردوس بی بی نے بھی آگاہی سیشن سے خطاب کیا۔ سی ایس پی کوارڈی نیٹر خواجہ لشکر حسین آزاد نے شرکاء تقریب کاشکریہ اداکرتے ہوئے کہاکہ مہم کی کامیابی میں تمام محکمہ جات / شعبہ جات کاکلیدی کردار ہوگا۔