سیالکوٹ پولیس موبائل خدمت مرکز وین سے اکبر آباد کے شہریوں نے 14 مختلف سہولیات سے استفادہ کیا

منگل 9 ستمبر 2025 20:10

سیالکوٹ (اُردو پوائنٹ اخبارتازہ ترین - اے پی پی۔ 09 ستمبر2025ء) سیالکوٹ پولیس موبائل خدمت مرکز وین سے اکبر آباد کے شہریوں نے 14 مختلف سہولیات سے استفادہ حاصل کیا۔

(جاری ہے)

ترجمان پولیس کے مطابق سیالکوٹ کے علاقے اکبر آباد چوک میں پولیس موبائل خدمت مرکز وین نے عوام کو خدمات فراہم کیں،اس دوران عوام کو ایک ہی چھت تلے 14 سہولیات فراہم کی گئیں جن میں لرنرز ڈرائیونگ پرمٹ، کریکٹر سرٹیفکیٹ، وہیکل کلیئرنس سرٹیفکیٹ، تجدید ڈرائیونگ لائسنس، انٹرنیشنل ڈرائیونگ پرمٹ، جنرل پولیس سروسز، گمشدگی دستاویزات، اندراج کرایہ دار، تجدید ڈرائیونگ لائسنس، قانونی رہنمائی برائے تحفظ خواتین، اندراج ملازم، جرم کی اطلاع، ایف آئی آر کاپی اور گمشدہ بچوں کی اطلاع شامل تھیں۔